Ervin Salianji ka dalë në një konferencë për mediat një ditë pas vendimit të Apelit, ku u dënua me një vit burg për kallëzim të rremë, teksa sot Prokuroria i ka kërkuar Kuvendit ekzekutimin e vendimit.
Gjatë fjalës së tij ai tha se nuk shkon në burg për kallëzim të rremë, por si një politikan që ka denoncuar me prova korrupsionin dhe përfshirjen në narkotrafik të vëllait të ministrit.
“Çfarë e detyroi Ramën dje të reagonte për vendimin, kur ai ka thënë se nuk i komenton vendimet e drejtësisë. Ishte i tërbuar pas vendimit. Pas këtij publikimi si Agron Xhafaj, trafikanti ndërkombëtar, si vëllai i tij në atë kohë ministër, dhe Rama nuk patën asnjë reagim për 5 vite më radhë, u fshehën.
Reagimi publik ka qenë si rrallë herë në unison kundër kësaj stisje në emrin tim. Unë kam një kontribut të gjatë në PD, kam denoncuar afera korruptive që kanë tërbuar Ramën dhe ministrat e tij, nuk shkoj në burg si kallëzues i rremë, por si një politikan i ri i opozitës që ka dëshmuar me prova përfshirjen e ministrit dhe familjes së tij në narkotrafik. Kjo është një goditje nën brez për të kënaqur epshet e grupeve kriminale. Kjo është e vetmja mënyrë për t’i treguar qytetarëve… siç kam mundur t’i përballoj. Të njëjtën gjë do të bëj. Nuk më trembim as mua, as qytetarët, as PD. Përballë do të më kenë mua sot. Do të më kenë pas këtij viti, dhe gjatë këtij viti dhe me vite me radhë. Burgosja ime është pjesë e planit të Ramës”.
Salianji shtoi se do të hënën do të paraqesë në SPAK një kallëzim për falsifikim procesi ndaj tij.
“Të hënën do të paraqesim në SPAK kallëzim për falsifikim procesi ndaj meje dhe pendim të zbulimit të së vërtetës ndaj Edi Ramës, Fatmir Xhafajt, Ardi Veliut dhe personave të tjerë që janë përshirë . edhe pse kjo është dita ime e fundit në liri, do t’i shkojmë deri në fund kësaj çështjeje. Kam komunikuar që dje me drejtuesit e Prokurorisë dhe policisë për t’u thënë që jam gati, çfarë ju duhet?! E keni parë që gjithë grupet kriminale, del urdhërarresti, arratisen. Në lidhje me do ta pres këtu vendimin për arrestim apo do të dorëzohem, jemi duke diskutuar me grupet parlamentare të cilët do t’i dëgjoj dhe më pas do marr vendim“, tha ai.
Ndërkohë, theksoi se do të paraqesë prova të reja, edhe nga qelia. “Nuk do të ndalen denoncimet. Do vijoj të çjerr maskën krimit dhe korrupsionit”, tha deputeti.
Top Channel
