Mbytet i riu në lumin Mat, ndërpritet operacioni i polumbarëve
31/05/2023 20:47
Zbulohet vendimi i plotë/ Gazment Bardhi nuk bëri kallëzim, ja pse SPAK nuk nisi hetim për implikimin e Olsi Ramës në Xibrakë
25/04 17:38
Operacioni i polumbarëve për gjetjen e trupit të 22-vjeçarit të mbytur në lumin Mat.
Strukturat e MC të bashkisë Kurbin thanë se operacioni nga ekipi i polumbarëve është ndërprerë, për të filluar ditën e nesërme.
Sipas dëshmitarëve në vendin e ngjarjes kanë qenë tre të rinj duke zënë peshk. 22-vjeçari është futur për t’u larë dhe e ka marrë rrjedha e lumit. Viktima është Valentin Nikolli nga Fushë Miloti.
“Në lumin Mat, në territorin e njësisë administrative Zejmen, në vendin e quajtur “Ura me harqe”, shtetasi V. N., 22 vjeç, banues në Milot, dyshohet se gjatë peshkimit me shokët e tij, aksidentalisht ka rënë në lumë dhe e ka marrë rrjedha.Në vendngjarje kanë shkuar shërbimet e Policisë dhe skuadra e polumbarëve e Repartit Special RENEA, të cilët kanë filluar kërkimet për gjetjen e 22-vjeçarit. Grupi hetimor, në drejtimin e Prokurorisë, po pyesin në cilësinë e personave që kanë dijeni për rrethanat e ngjarjes, shokët e shtetasit V. N. që kanë qenë bashkë me të, me qëllim sqarimin e plotë të ngjarjes”, sipas policisë.
Top Channel
