Dënohet kryebashkiaku i Mallakastrës! Por nuk e lë mandatin: Do ta ndjek çështjen në shkallët e tjera të gjykimit
02/02/2023 13:55
E pazakontë në Pogradec! Përfitoi nga amnistia dje, sapo doli nga burgu bën vjedhjen e radhës 25/04 18:02
Kryebashkiaku i Mallakastrës Qerim Ismailaj u shpall fajtor nga Gjykata Antikorrupsion.
Ai u dënua me 4 muaj burg të cilat sipas gjykatës konvertohen në 40 orë punë në interes publik.
Më herët, SPAK kishte kërkuar dosjen e kryebashkiakut të Mallakastrës për akuzën e falsifikimit të dokumenteve, pasi Ismailaj nuk u tregua i saktë në formularin e dekriminalizimit për një çështje penale të vitit 1999, të hapur në shtetin grek.
Në këtë procedim , Ismailaj ishte shpallur fajtor për akuzën e përleshjes/konfliktit dhe megjithatë një e dhënë e tillë nuk ishte shënuar në formular nga ana e tij. Ismailaj u denoncua nga Partia Demokratike dhe letërporosia konfirmoi kallëzimin e demokratëve.
I pyetur nga gazetarja e Top Channel Anila Hoxha nëse do të tërhiqet nga detyra, ai u përgjigj se do ta ndjekë në shkallët e tjera të gjykimit.
“Kjo nuk e prek ushtrimin e detyrës”, tha Ismailaj, duke u shprehur se shërbimi i provës nuk e pengon të kryejë detyrën në krye të bashkisë.
Top Channel
