Londra “fshikullon” serbët në veri të Kosovës, sanksione të korruptuarve!

Në njoftimin e Ministrisë së Jashtme britanike theksohet se në mesin e të sanksionuarve janë edhe nënkryetari i Listës Serbe, Milan Radojçiç, një afarist i industrisë së ndërtimit i cili ka përfituar nga shpërdorimi i kontratave shtetërore dhe ka përdorur ndikimin e tij për t’u dhënë kompanive të tij të ndërtimit kontrata fitimprurëse si dhe Zvonko Veselinoviç, sipërmarrës i industrisë së ndërtimit në Kosovë që akuzat se ka përdorur kontrata publike për të përvetësuar fondet shtetërore.

Në listën e sanksioneve është edhe “Slobodan Teshiç, një tregtar i njohur armësh nga Serbia, që akuzohet për ryshfet ndaj kryeprokurorit të shtetit të një vendi tjetër”. Teshic figuron edhe në listën e sanksioneve amerikane, e cila shënjestronte gjithashtu edhe Radojçiçin e Veselinoviçin.

“Këto sanksione tregojnë përkushtimin e Mbretërisë së Bashkuar për të mbrojtur shoqëritë e lira dhe të drejtat e njeriut të të gjithëve, kudo”, thuhet ne deklarate e zyrtareve britanike. Shtetet e Bashkuara të Amerikës vendosën dhjetorin e vitit të kaluar sanksione ndaj dhjetëra personave dhe subjekteve në mbarë Europën, duke përfshirë edhe grupin e krimit të organizuar që vepron kryesisht  në veriun e Kosovës,  i akuzuar përpos të tjerash për marrëveshje me politikanët për të ndihmuar fitoren e tyre në zgjedhje dhe mbështetje financiare për ta.

Top Channel