Aksident me vdekje në autostradën Fier- Vlorë/ Makina përplas këmbësoren, pamjet e rënda nga vendngjarja
06/08/2021 19:55
EMRI/ I shpallur në kërkim ndërkombëtar për trafik droge, arrestohet në Durrës shtetasi italian 19/04 10:25
Një aksident me pasojë vdekjen e një gruaje ka ndodhur në autostradën Fier- Vlorë në vendin e quajtur Novoselë mbrëmjen e sotme.
Gruaja ka qenë duke kaluar autostradën nga njëra anë në tjetrën ndërkohë që makinë tip “Golf” e ka goditur duke i shkaktuar dëmtime të mëdha.
70-vjeçarja ka ndërruar jetë në vend, ndërsa Top Channel ka siguruar video nga aksidenti fatal.
Sipas policisë, drejtuesi i makinës A. M., 68 vjeç, banues në Lushnje është shoqëruar në Komisariatin e Policisë Vlorë.
Vlorë/Informacion paraprak
Në orën 19:20, në autostradën “100 Vjetori”, Vlorë, një automjet, me drejtues shtetasin A. M., 68 vjeç, banues në Lushnje, ka aksidentuar një këmbësore ende të pa identifikuar, rreth 70 vjeçe, e cila si pasojë ka ndërruar jetë.
Drejtuesi i mjetit është shoqëruar në Komisariatin e Policisë Vlorë. Në vendngjarje ndodhet grupi hetimor dhe po punon për zbardhjen e plotë të ngjarjes.
Top Channel
