Dyshohet se spiunonin për Rusinë, arrestohen dy persona në Gjermani 18/04 10:13
Provat rrethanore tregojne për hakmarrje të një prej viktimave të abuzimit seksual
Një burrë 80-vjeçar ishte gjetur sot i vdekur në një ndërtesë apartamentesh në New York me të shkruarën në gjoks “Unë prek vajza të vogla”, njoftoi policia.
Identiteti i burrit të moshuar nuk është publikuar nga autoritetet, të cilat thanë se ishte gjetur i zhveshur nga mesi e sipër, me të prera të nxira goditjesh në fytyrë.
Në gjoksin e tij fjalët “Unë prek vajza të vogla” ishin shkruar me bojë të zezë, çka të bën të mendosh se mund të jetë fjala për një hakmarrje të një prej viktimave të abuzimit seksual me të mitura.
Oficerët thanë gjithashtu se në trupin e tij, në pjesën e barkut u gjet gjithashtu e shkruar “Unë marr kukulla në dhomën time për vajza 1-5 vjeç” ndërsa në këmbë ishte shkruar “Unë prek”, sipas burimeve të të përditshmes vendase New York Post.
Policia dhe mjekësia ligjore pritet së shpejti të përcaktojnë shkakun e saktë të vdekjes.
Top Channel
