Falsifikim faturash e mosdokumentim të vjedhjes së energjisë/ Arrestohet ish-inspektori dhe pezullohen nga detyra dy elektricistë të OSHEE-së

18/05/2021 08:25

Një ish-inspektor i një kompanie private në Shkodër është arrestuar, ndërsa janë pezulluar nga detyra dy elektricistë të OSHEE-së në Lezhë, pasi përmes falsifikimit të faturave nuk kanë dokumentuar vjedhjet e energjisë elektrike.

Pas një hetimi 6-mujor, u finalizua me sukses operacioni “Faturisti”, ku u zbulua se tre personat gjatë ushtrimit të detyrës së tyre kanë falsifikuar formularët e raportit të verifikimeve të matësve elektrik në subjekte të ndryshme private ku kanë kryer inspektime, duke mos evidentuar vjedhjen e energjisë elektrike nga këto subjekte.

Si rezultat i këtij operacioni u bë ekzekutimi i masës së sigurisë “Arrest në burg”  për  E. A., 33 vjeç, banues në Shkodër, me detyrë ish-inspektor pranë një kompanie private në Shkodër, si dhe “Pezullim i ushtrimit të një detyre ose funksioni publik”, për shtetasit V. D., 62 vjeç dhe K. Z., 61 vjeç, banues në Lezhë, më detyrë ish-elektricistë pranë OSHEE Lezhë.

Sipas policisë, materialet hetimore iu referuan Prokurorisë së Rrethit Gjyqësor Lezhë, për veprime të mëtejshme, për veprën penale “Falsifikimi i dokumenteve “.

Lezhë

Finalizohet operacioni policor “Faturisti”.  Operacioni nga Seksioni për Hetimin e Krimit Ekonomik dhe Financiar në Drejtorinë Vendore të Policisë Lezhë, nën drejtimin e Prokurorisë së Rrethit Gjyqësor Lezhë, pas një hetimi 6-mujor. Ekzekutohen masat e sigurisë për 3 shtetas, për veprën penale “Falsifikimi i dokumenteve”.  Specialistët për Hetimin e Krimit Ekonomik e Financiar në DVP Lezhë, në vijim të punës për evidentimin dhe goditjen e paligjshmërisë, pas një hetimi 6-mujor, finalizuan operacionin “Faturisti”, në kuadër të të cilit u godit një rast i falsifikimit të dokumenteve.  Si rezultat i këtij operacioni u bë ekzekutimi i masës së sigurisë “Arrest në burg”  për shtetasin E. A., 33 vjeç, banues në Shkodër, me detyrë ish-inspektor pranë një kompanie private në Shkodër, si dhe “Pezullim i ushtrimit të një detyre ose funksioni publik”, për shtetasit V. D., 62 vjeç dhe K. Z., 61 vjeç, banues në Lezhë, më detyrë ish-elektricistë pranë OSHEE Lezhë. Specialistët e Hetimit të Krimit Ekonomik e Financiar pranë DVP Lezhë kanë zhvilluar hetimet mbi bazën e informacioneve të siguruara në rrugë operative se shtetasit E. A., V. D. dhe K. Z., gjatë ushtrimit të detyrës së tyre kanë falsifikuar formularët e raportit të verifikimeve të matësve elektrik në subjekte të ndryshme private ku kanë kryer inspektime, duke mos evidentuar vjedhjen e energjisë elektrike nga këto subjekte.  Materialet hetimore iu referuan Prokurorisë së Rrethit Gjyqësor Lezhë, për veprime të mëtejshme, për veprën penale “Falsifikimi i dokumenteve “.

Top Channel