Pas sherrit me njëri-tjetrin, vëllezërit përplasen me policinë/ “Kërcet” arma, plagoset efektivi në Berat
14/04/2021 21:58
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Një konflikt mes tre vëllezërve në Berat ka përfunduar me plagosjen e një efektivi policie, Julian Xhahili.
Ngjarja ka ndodhur në lagjen “Dëshmorët e Kombit” ku shtetasit G.M., M.M. dhe A.M (vëllezër) po konfliktoheshin me shtetasit A.M dhe bashkëshorten e tij shtetasen O.M .
Në momentin e ndërhyrjes së shërbimeve të Policisë, tre vëllezërit kanë dhunuar, goditur dhe kanë tentuar t’i marrin armën e shërbimit njërit prej punonjësve të policisë dhe gjatë konfrontimit fizik dyshohet se arma ka kryer qitje të pavullnetshme ku është plagosur në këmbë punonjësi i policisë Julian Xhahili i cili ndodhet në Spitalin Rajonal Berat, nën kujdesin e mjekëve.
Nga shërbimet e policisë është bërë, neutralizimi dhe shoqërimi i personave në konflikt dhe është siguruar vendi ngjarjes.
Është krijuar menjëherë një grup i posaçëm hetimor dhe nën drejtimin e Prokurorisë së Rrethit Gjyqësor Berat, vijon puna intensive për sqarimin e plotë të rrethanave të ngjarjes.
Top Channel
