Përplasja me armë zjarri në Mamurras/ 7 të shoqëruar në polici
13/04/2021 16:28
Dorëzimi i 3-vjeçarit të zhdukur, policia zbulon detajet: Deri më tani janë arrestuar… 20/04 14:07
Nga përplasja me armë zjarri ku mbetën të plagosur 3 persona deri më tani janë shoqëruar në polici 7 persona.
Burime për Top Channel bëjnë me dije se ngjarja ka ndodhur pas një konflikti, pas të cilit dy punonjësit e policisë janë plagosur me armë zjarri në këmbë.
Ata janë identifikuar si Ilir Zeka dhe Flamur Lleja. Burime për Top Channel bëjnë me dije se një automjet është afruar pranë patrullës me dy persona brenda dhe ka ofenduar punonjësit e policisë. Policet u kanë kërkuar të mos ulen nga automjetet dhe ngjarja ka agravuar.
Top Channel mëson se ka mbetur i plagosur edhe një qytetar, i cili është dërguar në spital dhe është identifikuar si Nikoll Vorfi.
Burime bëjnë me dije se në vendngjarje janë nisur edhe Drejtori i Përgjithshëm i Policisë se Shtetit, Ardi Veliu, së bashku me Drejtorin e Departamentit te Policisë Kriminale, Tonin Vocaj.
Në ndihmë te Policisë lokale janë nisur edhe grupe te FNSH Shkodër, ndërkohë që janë ngritur pika kontrolli në disa akse.
Ndërkohë, në vendngjarje ka mbërritur grupi hetimor nën drejtimin e Prokurorisë për të sqaruar rrethanat e ngjarjes.
Top Channel
