Kthyen magazinën në laborator kanabisi, burg për Vranicki Hiskun! Vijon në kërkim drejtori i Kadastrës
13/04/2021 09:04
Po riparonte llambat elektrike, bie nga vinçi punonjësi në Elbasan 19/04 13:18
Gjykata e Kurbinit ka lënë në burg shtetasin Vranicki Hisku, i cili u arrestua pas zbulimit të laboratorit me bimë narkotike kanabis sativa, në Gjormë të Kurbinit.
Ndërkohë, vijon të jetë në kërkim drejtori i hipotekës së Kurbinit, Etmond Stojani.
Drejtori i Hipotekës në Kurbin
Policia zbuloi magazinën në fshatin Gjormë të Kurbinit, të përshtatur si laborator që shërbente për kultivimin e bimëve narkotike, nëpërmjet ngrohjes me llamba.
Ata gjithashtu kanë sekuestruar edhe një armë zjarri pushkë me dylbi të montuar. Gjatë kontrollit të ambientit u sekuestruan 205 bimë kanabis sativa të kultivuara në vazo.
Në ndërtesë u konstatua një lidhje e paligjshme e energjisë elektrike, e cila shërbente për furnizimin me energji të pajisjeve si llamba, aspirator, filtra ajrimi etj, që ndihmonin në kultivimin dhe rritjen e bimëve narkotike.
Po gjatë operacionit, në banesën e shtetasit Vranicki Hisku është gjetur dhe sekuestruar dhe një armë zjarri pushkë me dylbi të montuar.
Top Channel
