Rama mbledh në selinë e PS drejtuesit politikë në qarqe
02/03/2021 09:27
Sherr mes 5 personave në Kukës, nis hetimi për një prej tyre, 4 të tjerët në kërkim! Masë disiplinore për policët që nuk parandaluan ngjarjen 23/04 16:20
Një ditë pas kthimit nga Brukseli, kryeministri Edi Rama ka mbledhur drejtuesit politikë në qarqe në selinë e PS.
Kjo është një mbledhje rutinë që zhvillohet çdo fillim jave, por për shkak se ditën e djeshme Rama ishte në Bruksel mbledhja është zhvendosur ditën e sotme.
I gjithë fokusi i diskutimeve është vijimësia e fushatës elektorale, ndërsa partitë politike ka ndezur motorët për zgjedhjet e 25 prillit.
Rama ndodhej këtë të hënë, data 1 mars, në Bruksel, në kuadër të Këshillit të 11-të Stabilizim Asocimit.
Në një konferencë për shtyp, së bashku me Josep Borell, zëvendës president i Komisionit Europian dhe Komisioneri për Zgjerimin, Oliver Varhelyi ai shprehu pakënaqësinë e vendit tonë për lënien mënjanë të rajonit për shpërndarjen e vaksinës, por nga ana tjetër ai tha se është i lumtur që Covax ka nisur t’u japë vendeve dozat e para të vaksinës.
Kryeministri gjithashtu foli edhe për integrimin e vendit në BE, duke thënë se Shqipëria sipas tij i ka përmbushur detyrat për konferencën e parë ndërqeveritare.
Top Channel
