Putin refuzon pretendimet e Navalny se është pronar i rezortit gjigand në Detin e Zi

25/01/2021 17:59

Presidenti rus pretendon se nuk ka asnjë lidhje me pronën gjigande, pas videos së “ekspozimit” nga kreu i opozitës.

Vladimir Putin ka mohuar sot pretendimet se zotëron një pallat luksoz të ndërtuar në breg të Detit të Zi, pas një video-exposé-je nga kreu i opozitës ruse, Alexei Navalny.

Putin bëri hapin e pazakontë duke reaguar publikisht për të thënë se nuk ka asnjë lidhje me pronën, duke thënë se “nuk i përket apo nuk është zotëruar kurrë nga unë apo anëtarë të familjes time”.

Putin refuzoi videon që është bërë virale në internet, duke e quajtur “të mërzitshme”. Ai shtoi se nuk kishte pasur kohë ta shikonte por kishte parë disa pjesë që ishin sugjeruar nga ndihmësat e tij.

Mohimi i Putin vjen dy ditë pasi mijëra njerëz dolën në rrugë të shtunën, duke kërkuar lirimin e Navalny. Ky i fundit thotë se i ka shpëtuar tentativës së vrasjes nga presidenti në muajin gusht në Siberi.

Në video, pallati pranë rezortit jugor rus të Gelendzhik përshkruhet si “impjanti më i ruajtur dhe më sekret në Rusi”.

“Kjo nuk është një shtëpi fshati, një ‘dacha’, apo një rezidencë. Ajo ka gardhe të pakalueshme e madje dhe një postbllok,” thotë Navalny.
Ai shton: “Është një shtet i veçantë brenda Rusisë, dhe në këtë shtet ka vetëm një mbret të pazëvendësueshëm: Putin.”

Kritikët e Putin thonin me shaka se impjanti i përket “Mikhail Ivanovich”, emri i koduar me të cilin zyrtarët i referohen presidentit.
“Putin nuk mund të injorojë atë që po diskutohet në të gjithë vendin,” tha Lubov Sobol, një aleat i Navalny.

FOTO GALERI
1/5

Top Channel