Shpresa e vetme për ta mbajtur gjallë ëndrrën për t’u kualifikuar në finalet e Kampionatit Europian 2020 është që kuqezinjtë të marrin një rezultat pozitiv sot në mbrëmje në Stamboll. Gjatë këtyre ditëve, puna e kuqezinjve është përqendruar në të gjitha drejtimet, pa përjashtuar asnjë aspekt, me qëllim që të jenë të përgatitur për të përballuar me sukses çdo të papritur që do t’i sjellin 90 minutat e zjarrta në stadiumin “Ülker” të Fenerbahçes. A do t’i qëndrojë trajneri Edi Reja edhe këtë herë besnik modulit të tij të preferuar, që e nxori faqebardhë në përballjen ndaj Islandës? Për të marrë përgjigje sot ishim në një lidhje direkte nga Stambolli me gazetarin e TCH, Endi Tufa, i cili mbrëmë kishte festuar bashkë me Kombëtaren Kuqezi, ditëlindjen e 74-rt të trajnerit Edi Reja.