Rikthimi i studentëve në kryeqytet për nisjen e vitit të ri akademik ka sjellë rritjen e çmimit të qirave me rreth 20, madje në disa zona edhe deri me 30 për qind. Studentët thonë se çmimet e qirave janë më të larta se një vit më parë pasi paguajnë nga 200 deri në 240 mijë lekë në muaj. Agjencitë imobiliare në kryeqytet konfirmojnë se në krahasim me një vit më parë gjatë periudhës shtator-tetor çmimet janë rritur me 20%. Zonat më kërkuara për studentët mbeten ato pranë universiteteve, Don Bosko dhe Komuna e Parisit, zona në të cilat çmimi është edhe me euro.