Jemi në periudhën kur virozat e gripit janë përhapur masivisht dhe jo të gjithë kanë mundur që të vaksinohen. Prej disa javësh (që pas tërmetit) në Elbasan ka mungesë të vaksinave të gripit. Më konkretisht deri tani kanë përfunduar dy fazat e para të vaksinimit dhe dozat e ardhura janë përdorur për personelin shëndetësor dhe për ata individë që vuajnë nga sëmundje të ndryshme kronike. Sipas të dhënave nga burime spitalore për Elbasanin kanë ardhur rreth 3.500 vaksina, të cilat janë ezauruar duke bërë që shumë qytetarë të mbeten pa u vaksinuar ose të zgjedhin privatin duke paguar (rreth 1600 lekë) për një vaksinë që shteti e ofron falas.