Klea Kasemi është një artiste e re e talentuar e cila sapo ka publikuar këngën me titull "Vallëzim lamtumire", e cila menjëherë është bërë edhe pjesë e "Top Awards". Vitin e kaluar ajo ka marrë pjesë me këtë këngë tek festivali "Zambaku i Prizrenit 2019". Po ashtu Klea ka konkuruar në "Një këngë për ty", dy herë në "Voice of Albania", në vitet 2016 dhe 2017 dhe ka spikatuar si një zë i veҫantë. Ajo ka marrë pjesë po ashtu në Top Talent 1 dhe ka përfaqësuar Shqipërinë në Olimpiadën Turke. "Ndonëse vetëm 21 vjeҫe, duket se ajo e ka nisur mbarë karrierën e saj në muzikë. Por duket se ajo nuk do të mbetet vetëm tek muzika pasi studion në fakultetin e drejtësisë, viti i tretë dhe ndoshta në të ardhmen do ta shikojmë si juriste.