Atë e kemi parë rrallë jashtë studios së lajmeve e kësisoj pak e njohim në përditshmërinë e tij. Ilir Paço është një ndër figurat e ekranit që na shoqëron prej 20 vitesh si spiker lajmesh në edicionet informative, por ama prej 26 vitesh ushtron profesionin e gazetarit. Ai ka mbaruar Liceun Artistik për pikturë dhe më pas ka ndjekur studimet për gazetari, në vitin 1993, një degë e re që kishte vetëm një vit që ishte hapur. Meqenëse sot jemi në Ditën Botërore të Tv, kush më mirë se Paço do mund të na rrëfente mbi këtë eksperiencë 26 vjeçare në gazetari dhe jo vetëm sepse sot do ta zhveshim nga kostumi i gazetarit të lajmeve.