Federata Shqiptare e Futbollit ngre sot për herë të parë Departamentin e Analizës, Skautizmit dhe Inovacionit, i cili nëpërmjet teknologjisë dhe një rrjeti “agjentësh” do të gjurmojë çdo talent shqiptar në 127 shtete të botës, me qëllim grumbullimin më pas me skuadrat tona Kombëtare. Risia vjen pas një serie projektesh dhe iniciativash, të tilla si Projekti “Grow” në shkollat e Shqipërisë apo si federimi i të gjithë fëmijëve nëpër akademitë e licencuara të futbollit të moshave, për të ndihmuar në rritjen e lëvizjes futbollistike në vend, duke e përafruar te standardet më të zhvilluara në botë.