Një nga pandemitë të cilës ne i referohemi shumë shpesh sot është ajo e vitit 1918, ajo e gripit spanjoll. Për të shpjeguar rëndësinë e izolimit në parandalimin e pandemive Prof.Asoc. Fabian Cenko, solli rastin e Filandelfias dhe në St. Louis ku u shfaqen rastet e para të gripit spanjoll. Masat e ndryshme që u morën në këto dy qytete patën dhe pasoja të ndryshme në parandalimin e kësaj pandemie. Shembuj të tillë sipas mjekut epidemiolog bëjnë thirrje edhe për një element tjetër; sëmundjet infektive nuk i përgjigjen teknologjisë por kanë disa ligje që bazohen mbi kohën, hapësirën dhe popullatën. Kështu që sot pas 102 vjetësh ne duhet të jemi të vetëdijshëm që mjetet tona të kontrollit të sëmundjeve infektive duhet gjithmonë t'i referohen asaj që është bërë para 102 vjetësh.