Wake Up/ Elvis Naçi: Me 5.176.244 Euro të mbledhura, do të ndërtojmë 270 banesa
05/12/2019 11:14

Imami Elvis Naçi ka deklaruar sot në "Wake Up" se deri më tani fondacioni "Firdeus" ka grumbulluar 5.176.244 Euro në ndihmë të banorëve të prekur nga tërmeti. Shqiptarët nga e gjithë bota janë bërë bashkë për të ndërtuar nga e para banesat e shkatërruara. Me shumën e deritanishme mund të ndërtohen 260-270 shtëpi ose rreth 3 apo 4 pallate. Naçi theksoi se dëshiron që shifra të arrijë deri në 10 milion Euro dhe pse jo të ndërtohen 500 shtëpi për 500 familje. Ai pranoi se do të botohet një libër me emrat dhe shifrat e të gjithëve atyre që kanë bërë bamirësi dhe kjo do të jetë për herë të parë në histori. Donacioni më i madh individual deri tani është 200 mijë paund (250 mijë Euro) nga një vajzë shqiptare që jeton në Angli.