Wake Up/ Dr. Enver Roshi: ISHP ka kapacitetin për të kryer deri 300 testime Kovid-19 në ditë

30% e të infektuarve në vendin tonë ja kanë dalë të fitojnë në betejën me KoVid 19, duke u shëruar tashmë. Ndërkohë numri i të infektuarve të rinj ditën e djeshme, nga raportimet e ministrisë së shëndetësisë ka qenë 16 raste të reja, një shifër kjo më e ulët se fundjava që lamë pas. Fatkeqësisht në Shqipëri numri i viktimave ka shkuar në 22 persona, ndërkohë që vazhdon ndjekja dhe gjurmimi i kontakteve në terren për zbulim e rasteve të reja. Pas Tiranës, Shkodra vazhdon të mbetet një vatër e nxehtë. Sipas mjekëve infeksionistë dhe atyre epidemiologë kjo javë do të jetë dinamike përsa i përket konfirmimit të rasteve të reja , ndërkohë që ata kanë paralajmëruar se nëse do të ndiqet të gjitha udhëzimet si nga ana e masa të marra por edhe nga që ka rekomanduar OBSH, do të kemi një ulje të numrit të rasteve nga java e tretë e prillit. Por si e vlerësojnë këtë ecuri të rasteve ekspertët, masat e marra a duhet të vazhdojnë edhe në muajt në vazhdim? Për më tepër kishim në Skype, doktor Enver Roshin, i cili është kryetar i komisionit parlamentar të shëndetësisë por ka mbajtur disa vite më parë edhe postin e drejtuesit të Institutit të Shëndetit Publik. "Instituti i Shëndetit Publik e ka kapacitetin për të bërë deri 300 testime Kovid-19 në ditë dhe me ketë numër testimesh epidemia është e përballueshme"- tha Roshi.