"Babagjyshi Sekret" tashmë është shndërruar në personazhin më të dashur të fëmijëve në prag të festave të fundvitit. Ai është i vërtetë dhe mund të jetë kushdo nga ne, mjafton të ketë dëshirën për të bërë të lumtur një fëmijë duke i dërguar dhuratën e preferuar. Quhet "sekret" sepse ai që vendos të bëjë të lumtur një fëmijë, në përgjithësi zgjedh që të mbetet anonim pasi rëndësi ka vetë gjesti në sytë e të vegjëlve. Letrat që vijnë në adresë të babagjyshit janë të shumta, nga të gjitha qytetet e Shqipërisë.