Ditën e nis dhe e mbyll në punishten e tij të vjetër. Zijaja është i fundit që vijon traditën, tashmë 1 shekullore, të familjes Karini në Shkodër, në përpunimin e drurit. Këtë zanat të trashëguar brez pas brezi, ai nisi ta mësonte që kur ishte 14-vjeç. Në këto 65 vite punë, ai ka perfeksionuar shumë teknika të rralla dhe mbetet i vetmi në vendin tonë që zotëron tekniken e autoportretit në dru. Sot ai është 79 vjeç por vazhdon me dëshirë dhe pasion të punojë çdo ditë. Për mjeshtrin do të ishte shumë kënaqësi nëse të rinjtë do të vazhdonin ketë traditë.