Të dhënat zyrtare për aksidentet rrugore tregojnë që një pjesë e tyre ndodhin edhe për shkak të këmbësorëve të pakujdesshëm. Në vetëm pak minuta në këtë semafor, vëzhguam dhjetra persona të cilët shkelën rregullat e qarkullimit rrugor duke kaluar me semafor të kuq. Por vet këmbësorët, a janë të vetëdijshëm për shkeljen që kanë bërë? Disa të tjerë refuzuan të përgjigjeshin, pas kalimit me semafor të kuq. Këto shkelje të rregullave të qarkullimit, të cilat janë të përhapura sidomos në Tiranë, në jo pak herë kanë qenë edhe burim aksidenti. Viti 2020, nisi me një aksion të shtuar të policisë në rrugët e vendit, ku janë gjobitur me dhjetra persona, e po ashtu janë hequr edhe një numër i konsiderueshëm lejesh drejtimi. Por si duket në sytë e qytetarëve ky aksion?