Refuzohet ankesa për votat e diasporës, VV do ta dërgojë në Supreme
28/10/2019 19:21

Paneli Zgjedhor për Ankesa dhe Parashtresa ka refuzuar kërkesën e Lëvizjes Vetëvendosje për numërimin e 4639 votave të diasporës që kanë arritur pas afatit të paraparë. Ndërsa në Komisionin Qendror të Zgjedhjeve, thonë se pa u mbyllur kjo çështje nuk mund të dalin me rezultatet përfundimtare të zgjedhjeve të 6 tetorit. Ditë më parë Gjykata Supreme vendori që të rishikohet vendimi i PZAP lidhur me kërkesën e Lëvizjes Vetëvendosje. Kryesuesi i Sekretarit të PZAP-së, Mul Desku tha se paneli ka vendosur për refuzim të ankesës së Lëvizjes Vetëvendosje si të pabazuar. Sipas tij, Paneli mori këtë vendim në bazë të provave dhe rregulloren e KQZ-së. “Paneli ka marrë vendim për refuzimin e ankesës të pabazuar. Kjo është përgjigja e panelit lidhur me udhëzimin që e ka dhënë Gjykata Supreme e ka kthyer në rishqyrtim dhe rivendosje ankesën e Lëvizjes Vetëvendosje për ta proceduar apo numëruar 4639 fletëvotime të ardhura nga diaspora…ky është vendimi i Panelit Zgjedhor dhe palët ndaj këtij vendimi mund të parashtrojnë ankesë brenda 24 orëve në Gjykatën Supreme…Paneli ka vlerësuar duke u mbështetur në ligj, duke u mbështetur në prova në rregulloren e Komisionit Qendror Zgjedhor që të vendos në këtë mënyrë”, tha ai. Ai tha se nuk është refuzuar kërkesa e Gjykatës Supreme por ankesa e subjektit politike Lëvizja Vetëvendosje. Sipas Deskut, Lëvizja Vetëvendosje brenda 24 orëve ka mundësi të ankohet lidhur me vendimin, ndërsa Gjykata Supreme ka në dispozicion 72 orë për të shqyrtuar ankesën. Ndërsa, në Komisionin Qendror Zgjedhor lidhur me vendimin e PZAP, thonë se do presin afatin ligjor para se të procedojë më tej. Zëdhënësi i KQZ-së, Valmir Elezi tha se Komisioni Qendror i Zgjedhjeve nuk mund të shpall rezultatet përfundimtare pa u përmbyllur kjo çështje. “Komisioni Qendror i Zgjedhjeve do pres afatin ligjor para se të procedoj më tej, pasi në fund të vendimit të PZAP-it, këshillë juridike, pra lejohet ankesa brenda 24 orëve kundër këtij vendimi në Gjykatën Supreme….Komisioni Qendror i Zgjedhjeve nuk mund të shpall rezultatet përfundimtare pa u përmbyllur kjo çështje”, tha Elezi. Lëvizja Vetëvendosje do të dërgojë në Gjykatën Supreme, apelin për vendimin e mosnumërimit të votave të diasporës nga Paneli Zgjedhor për Ankesa dhe Parashtresa. Një gjë të tillë e ka bërë të ditur anëtari nga LVV në Komisionin Qendror të Zgjedhjeve, Adnan Rrustemi. Ky i fundit thotë se PZAP në mënyrë artificiale ia mohoi të drejtën për numërim të votës qytetarëve që jetojnë jashtë vendit. “Do ta apelojmë në Gjykatë Supreme vendimin për mosnumërimin e votave të bashkatdhetarëve. Sot pranuam nga Paneli zgjedhor për ankesa dhe parashtresa vendimin e marrë nga gjyqtarët Fejzullah Rexhepi Kryesues, Nenad Llazic, Afjete Sada – Gllogjani, Kymete Kimete, Zyhdi Haziri, Rrustem Thaqi, Ferki Xhaferi, Faton Ademi dhe Adnan Konushevci, anëtarë, ku refuzohet si i pabazuar apeli i paraqitur nga Lëvizja Vetëvendosje për numërimin e zarfeve me fletëvotime nga bashkatdhetarët tanë. Ndonëse Gjykata Supreme e Republikës së Kosovës i kërkonte PZAP ta merrte parasysh këtë të drejtë, sërish sot ky panel në mënyrë artificiale dhe në interpretim të ngushtë ia mohoi të drejtën për numërimin e votës qytetarëve tanë që jetojnë jashtë vendit. Lëvizja Vetëvendosje do ta dërgojë në Gjykatën Supreme apelin sërish, duke pritur që kjo çështje të zgjidhet e të numërohen këto fletëvotime”, ka shkruar ai. Sipas tij, bashkatdhetarët tanë nuk ia kanë borxh askujt këtë cenim të së drejtës së tyre bazike që buron nga Kushtetuta e Republikës së Kosovës dhe të drejtat ndërkombëtare në këtë sferë. Kujtojmë që nuk janë numëruar 4639 vota të mërgatës të cilat kishin arritur pas afatit ligjor të paraparë. Ndërsa me vendim të KQZ në Qendrën e Numërimit dhe të Rezultateve janë rinumëruar mbi 850 vendvotime.

Gjendje e jashtëzakonshme në Kosovë/ Ekspertët kërkojnë mbylljen. Pritet vendimi i qeverisë Hoti
11/07 19:37
Top News – Kreu i LDK me covid/ Haradinaj lutet për Mustafën
10/07 22:57
Lehtësohet spitali i Prishtinës/ Pacientët me Covid-19 shpërndahen edhe në qytete të tjera
10/07 19:55
Top News – Kosovë/ Isa Mustafa infektohet me Covid-19
10/07 15:37
Top News – Takimi Hoti-Vuçiç/ ‘Kryhet’ Parisi, shtyhet Brukseli!
10/07 14:29
Top News – Viola von Cramon: Kosova është shumë e interesuar për marrëveshje me Serbinë
10/07 11:31
Top News – Covid-19 në Kosovë/ 8 viktima, 200 raste të reja
10/07 11:13
Top News – Hoti dhe Vuçiç takohen sot virtualisht
10/07 10:30
Top News – Kuvendi i Kosovës/ Miraton rezolute për vlerat e UÇK
09/07 23:11
Kosovë, bie ligji për Covidin/ Qeveria del kundër projektit që propozoi Vjosa Osmani
09/07 15:17
Top News – Qeveria e Kosovës/ Nuk miraton ligjin për pandeminë
09/07 11:45
Kosovë, ligji anti-covid/ Qeveria mblidhet të enjten për ta kaluar më as në parlament
08/07 19:48
Top News – Thaçi thirret në Hagë/ Të hënën pyetet nga prokuroret
08/07 19:44
Top News – Dialogu Kosovë-Serbi/ Lajcak takime në Berlin
08/07 15:06
Top News – Zyra e presidentit Macron jep detaje të takimit me Avdullah Hotin
08/07 14:47
Vdekja e 4 pacientëve me Covid/ Kosovë, Ish drejtori i shërbimit spitalor: Jo për shkak të aparaturës
07/07 19:40
Rikthimi i kufizimeve në Kosovë/ Pronarët e restoranteve kundër vendimit të qeverisë
07/07 13:15
Top News – Humb jetën një ushtar amerikan në Kosovë
07/07 12:44
Rikthimi i kufizimeve në Kosovë/ Pronarët e restoranteve kundër vendimit të qeverisë
06/07 22:27
Top News – Hoti në Paris/ Takim me Macron para dialogut
06/07 18:25