Një ngjarje e rëndë është shënuar këtë të shtunë në lagjen “Kushtrimi” në Vlorë, ku dy persona kanë mbetur të plagosur. Mësohet se një përplasje me armë zjarri ka ndodhur në një lokal, në lagjen “Kushtrimi”, Vlorë, ku si pasojë kanë mbetur të plagosur dy persona, identiteti i të cilëve ende nuk është bërë me dije. Bëhet me dije se personat kane qenë brenda në lokal dhe ndaj tyre është shtënë nga jashtë lokalit. Njëri prej të plagosurve ndodhet në gjendje të rëndë për jetën. Policia ka mbërritur menjëherë në vendngjarje për të zbuluar më tepër.