Matteo Salvini ishte I bindur se zgjedhjet rajonale do të ktheheshin në trampolinën e tij drejt rimarrjes së pushtetit kombëtar. Por votuesit e Emilia-Romagna-s ia thërrmuan shpresat liderit të Legës. Me këtë lëvizje, rajoni I begatë italian I frenoi sërish shpresat e Salvinit për të rrëzuar koalicionin e brishtë qeverisës. Dhe një pjesë të humbjes, ai ia detyron një lëvizjeje qytetare, që ka nisur të rritet gjithmonë e më shumë, e që duket, preku ``telat`` e shumë qytetarëve italianë. ``Sardelet``, brenda vetëm tre muajsh arritën të organizonin tubime në 90 qytetet, duke shënuar kështu mobilizimin më të madh të shoqërisë civile në historinë e republikës italiane.