Harku i triumfit të Qerimajve – Ora e Tiranës
24/05/2019 19:00

Tradita Qerimaj vjen si një institucion arti, që ka prodhuar dhe prodhon artistë nga ata që shkruajnë në letër, larg skemave teknologjike që dominojnë tregun e sotëm muzikor. Të përfaqësuar nga të gjithë brezat, familja Qerimaj ka dhuruar emocione për publikun e kryeqytetit, me “Harku i triumfit të Qerimajve”, koncert festiv me rastin e 85 vjetorit të babait të dinastisë muzikore, Hetem Qerimaj. “Ora e Tiranës” ju sjell atmosferën e këtij koncerti dhe emocionet e para të Maestros Hetem, Fatos dhe Valin Qerimaj, që interpretuan tek Amfiteatri i parkut të madh të liqenit repertorin më të mirë, nga tradicionalja me muzikë qytetare shqiptare e deri tek muzika ballkanike dhe europiane.