Bukinistët, të vendosur në pika të ndryshme, janë shtuar ndjeshëm gjatë viteve të fundit. Ata i gjen ngado nëpër Tiranë, teksa ekspozojnë përpara kalimtarëve qindra libra të ndryshëm, në shqip apo në gjuhë të huaja, deri tek ata më të rrallët, që nuk ndodh t’i gjesh shpesh në libraritë e shumta. Në këtë episod të “Ora e Tiranës” kemi folur me disa prej bukinistëve, që thonë se janë në pritje të lexuesve, gjithnjë e më të paktë në numër.