Edhe pse paga mesatare e një gjyqtari në vit nuk arrin më shumë se 10 mijë euro, një në tre gjyqtarë kanë deklaruar 250 mijë euro pasuri në vit. Në videon e publikuar së fundmi nga Ambasada e SHBA-së në Tiranë theksohet se disa prej gjyqtarëve kanë deklaruar edhe miliona dollarë. Ambasada, nëpërmjet një video ilustruese, pasqyron rolin që USAID ka luajtur në vendin tonë për të përmirësuar sistemin gjyqësor dhe për të luftuar korrupsionin.