Alo, kam frikë se jam me koronavirus! Psikiatrja tregon telefonatat që merr çdo ditë – Ora e Tiranës

Ngujimi në shtëpi pritet të sjellë një ndikim negativ për shëndetin mendor, sidomos tek ata persona që kanë vuajtur nga çrregullime të tilla edhe më parë. Organizata Botërore e Shëndetësisë, ka nënvizuar në raportet e fundit se shpërthimi i Covid-19, ka shtuar nivelin e ankthit tek shumë persona. Edhe mjekët psikiatër, thonë se izolimi për një kohë të gjatë, ndarja nga të dashurit e zemrës, humbja e lirisë, pasiguria për sëmundjen dhe mërzitja, mund të sjellin efekte dramatike. Edhe në Shqipëri, mjekët po përballen me një numër gjithnjë e më të lartë të atyre që kërkojnë ndihmë prej ankthit apo panikut.