Lista zyrtare e kandidatëve të PS
07/05/2013
Lista zyrtare e kandidatëve të PS
Pas dy orë diskutimesh, ku nuk munguan debatet, kryesia e Partisë Socialiste miratoi listat e kandidatëve për deputetë, në zgjedhjet e 23 qershorit.

Mësohet se, gjatë mbledhjes, deputeti Erjon Braçe zhvilloi një debat parimor për mënyrën e përzgjedhjeve të kandidatëve. Sipas tij, procesi duhet t’i nënshtrohej fillimisht një diskutimi me bazën.

Por, në fund të mbledhjes u miratua lista, që më pas iu dërgua Komisionit Qendror të Zgjedhjeve.

Betejën elektorale për Tiranën, për të majtën, do ta drejtojë Pandeli Majko në shkallë qarku, ndërsa Saimir Tahiri, i dyti në listë, do të përqëndrohet në kryeqytet pasuar nga Vasilika Hysi, Ditmir Bushati e Fatmir Xhafaj.

Në Qarkun e Fierit, lista kryesohet nga kryetari aktual i grupit parlamentar, Gramoz Ruçi. Erjon Braçe do të jetë i dyti në këtë qark, duke i dhënë fund hamendësive për një kandidim të mundshëm në Tiranë.

Në qarkun më të madh të veriut të vendit, Shkodër, lista udhëhiqet nga profesoresha Mimoza Hafizi . Ish-kryeministri Bashkim Fino është i pari në listë për qarkun e Korçës, ndërsa e dyta është Arta Dade.

Vlorën e kryeson kryesocilisti Edi Rama, pasuar nga Valentina Leskaj, ndërsa i treti është biznesmeni Koço Kokëdhima.

Pa ndonjë ndryshim nga zgjedhjet e 2009, në krye të betejës elektorale për Durrësin do të jetë Blendi Klosi. I pari në listën e Beratit, siç pritej, është Fidel Ylli.

Qarkun Dibër e kryeson Shkëlqim Cani, ndërsa Lezhën Mimi Kodheli, sikurse edhe Kukësin juristi Vexhi Muçmataj.

Ben Blushi, Damian Gjiknuri dhe Evis Kushi kryesojnë listën e Elbasanit, ndërsa tre të parët e listës së Gjirokastres janë Arben Ahmetaj, Erion Veliaj dhe Anastas Angjeli.


LISTA ZYRTARE E KANDIDATËVE TË PS


QARKU TIRANË


1. PANDELI MAJKO
2. SAIMIR TAHIRI
3. VASILIKA HYSI
4. DITMIR BUSHATI
5. FATMIR XHAFAJ
6. LINDITA NIKOLLA
7. BESNIK BARAJ
8. XHEMAL QEFALIA
9. SADRI ABAZI
10. PARID CARA
11. SPARTAK BRAHO
12. ARTAN GAÇI
13. PJERIN NDREU
14. RAKIP SULI
15. MILENA HARITO
16. DASHAMIR PEZA
17. ENKELEJDA SHKRELI
18. ERVIN BUSHATI

QARKU DIBËR

1. SHKELQIM CANI
2. ULSI MANJA
3. HASAN CENI
4. ARBEN KESHI
5. ASHIM DOMA
6. EZMERINA HOXHA

QARKU LEZHË


1. MIMI KODHELI
2. ARMANDO PRENGA
3. ARBEN NDOKA
4. NDREC DEDAJ
5. MEJREME DELISHI
6. EDUART NDOCAJ
7. KASTRIOT PIROLI
8. MIRELA NELI

QARKU SHKODËR

1. MIMOZA HAFIZI
2. TOM DOSHI
3. PAULIN STERKAJ
4. NAMIK KOPLIKU
5. SAIT FISHTA
6. GENTIAN PALAJ
7. NIKOLL DEDA
8. ROZAFA ZMIJANEJ
9. MEGI AJTYRESA
10. DJANA BEJKO
11. ZEF ÇUNI
12. PAL LERA
13. JANKO SHELÇAJ

QARKU KUKËS

1. VEXHI MUÇMATAJ
2. LAVDIM ELEZI
3. RAM HOXHAJ
4. ADEM LALA

QARKU BERAT


1.FIDEL YLLI
2.ERMONELA FELAJ
3.EDUARD SHALSI
4.EDUART BEJKO
5.ARTAN LAME
6.STAVRI CECA
7.ERJON KËRI
8.ANILA AGALLIU
9.ALMA KULE

QARKU FIER

GRAMOZ RUÇI
EGLANTINA GJERMENI
ERION BRACE
ILIRIAN CELIBASHI
ARMANDO SUBASHI
ERVIN KOÇI
FATOS KLOSI
SPARTAK BRAHO
PIRRO LUTAJ

QARKU DURRËS

1. BLENDI KLOSI
2. KLODIANA SPAHIU
3. ILIR BEQAJ
4. NAMIK DOKLE
5. GENTIAN BEJKO
6. ARTUR BUSHI
7. SHKELQIM TROPLINI
8. JURGIS ÇYRBJA
9. SOKOL SULA
10. ARDIAN KOKOMANI
11. GËZIM AGASI
12. TAULAND XHERAJ
13. ERALD HASANAJ
14. ESMERALDA SHKJAU

QARKU KORÇË

1. BASHKIM FINO
2. ARTA DADE
3. OLTA XHAÇKA
4. ILIRIAN PENDAVINJI
5. ILIR XHAKOLLI
6. YLLI ZIÇISHTI
7. ARDIT KONOMI
8. ARTUR PORPOLLOGU
9. ANA VERUSHI
10. ADRIATIK BRAÇE
11. ZAMIRA BEQIRAJ
12. ILIR TORRA
13. NADA NASTO

QARKU ELBASAN
1. BEN BLUSHI
2. DAMIAN GJIKNURI
3. EVIS KUSHI
4. ALFRED PEZA
5. TAULANT BALLA
6. MUSA ULQINI
7. ARBEN KAMAMI
8. ILIR BEJTJA
9. LULJETA ARAPI
10. AGIM LEKA
11. KASTRIOT GURRA
12. MEHDI PEPA
13. ALTIN AGO
14. YMER TOLA
15. ROVENA BEQIRAJ
16. SOKOL SKURA

QARKU VLORË


1. EDI RAMA
2. VALENTINA LESKAJ
3. KOÇO KOKËDHIMA
4. LUIZA XHUVANI
5. FATMIR TOÇI
6. ANDREA MARTO
7. EDMOND LEKA
8. SHUAIP BEQIRI
9. MIRA SHEHU
10. SHEME LULO
11. SOKOL BANA
12. GENCI KOJDHELI
13. NEIME GJIKA
14. NORETA KALCUNI
15. INES STASA

QARKU GJIROKASTËR

1. ARBEN AHMETAJ
2. ERION VELIAJ
3. ANASTAS ANGJELI
4. VLADIMIR KOSTA
5. DASHAMIR KAMBERI
 

Edi Rama bëri një koment, pas mbledhjes së kryesisë:

“Atëherë, brenda emocionalitetit të një momenti si ky, kur duhen bërë zgjedhje dhe duhen përcaktuar emra, unë besoj që kryesia e Partisë Socialiste i hapi rrugën një fitoreje me një skuadër kombëtare të PS-së, që pa asnjë dyshim do të luftojë në çdo qark për të fituar. Ju do të keni në dispozicion emrat, nuk do të lexoj këtu listën e gjatë të emrave, por do të nënvizoj pak gjëra. Së pari, dua të nënvizoj edhe njëherë tjetër, se jam shumë krenar, që kam pasur privilegjin të punoj, të bashkëpunoj, të bashkëjetoj me burra e gra të një grupi parlamentar, që është në fund të mandatit të vet, të cilët edhe pse nuk u përfshinë në listën e skuadrës së 23 qershorit, në përgjithësi kanë treguar jo vetëm mirëkuptim për zgjedhjen e bërë, por edhe një ndjenje të fortë përkatësie ndaj PS me sinqeritet dhe me prova konkrete, duke pranuar madje në disa raste të përfshihen në pjesë jo drejtpërdrejt fituese, për të treguar se janë këtu për ato që thonë, janë këtu për atë që bëjnë përditë, dhe nuk janë këtu sic fatkeqësisht është ndonjë rast, për të thënë tjetër gjë dhe për të bërë gjë tjetër. Për të folur për PS dhe socialistët e vërtetë dhe për të qenë gjithcka, por jo të vërtetë. E dyta, dëshiroj t’i falënderoj dhe t’u shpreh konsideratat më të larta, të sinqerta, të gjithë atyre që nuk ishin në grupin parlamentar, aspironin për t’u bërë pjesë e tij, dhe nuk u përfshinë në këtë skuadër. Jam i bindur që, sic ka në skuadrën tonë kombëtare të Rilindjes, personalitete të spikatura të PS, figura të reja, mosha të ndryshme, me kapacitete të ndryshme për të qenë në këtë betejë, ka edhe të tjerë që janë në forumet tona, janë në mjedisin tonë, por nuk janë përfshirë. Ju shpreh atyre mirënjohjen për gjithcka kanë bërë deri tani dhe jam i bindur se kontributi i tyre nuk do të mungojë dhe, bashkë me ta, ne do të cojmë përpara projektin e fitores”, deklaroi Rama.

Malaj, jo në listat e PS

“Do kandidoj i pavarur, do t’i shërbej qytetarëve”


“Së pari, e mbi të gjitha dëshiroj të falënderoj median, për të gjithë mbështetjen që më ka dhënë dhe do të më japë në karrierën time politike. Dëshiroj të falënderoj të gjithë votuesit, që kanë votuar Partinë Socialiste, dhe sidomos ata që më kanë votuar për 16 vjet në politikë. Sigurisht, ky nuk është fundi i karrierës time. Duke vendosur që të dal si kandidat i pavarur, pra nuk kam pranuar asnjë ofertë as majtas dhe as djathtas, mendoj që ky të jetë fundi i neodiktatorëve në politikën shqiptare. Ishte zoti Rama, dhe dëshiroj të falënderoj edhe të gjithë përfaqësuesit politik të së majtës në qarkun e Vlorës, që më kishin dhënë mbështetje maksimale. Vendimi për të mos u përfshirë në asnjë listë ishte vendim individual i Ramës, nuk kam asnjë problem individual me të, por jam i shqetësuar që në mënyrë të përsëritur Partia Socialiste dështon për të mundur qeverinë Berisha dhe për t’i dhënë vendit një qeverisje më të mirë. E kam ditur që në momentet e para, që lufta që kam bërë për të mos ndryshuar Kushtetutën në mënyrë arrogante dhe jo transparente, e cila ka prishur themelet e shtetit ligjor. E kam ditur që kur i kam kërkuar grupit parlamentar të Partisë Socialiste të mos bënte bllokim të funksionimit të parlamentit në një demokraci parlamentare, kur kam kërkuar që të votonim ligjet e integrimit europian, kur kam iniciuar një proces demokratizues dhe modernizues të Partisë Socialiste, që do të paguaja një çmim për të gjitha këto. Por, ky është çmimi më i vogël që mund të paguajë një politikan, i cili nuk ka asnjë interes për një karrige, por ka interes që partia e tij, Partia Socialiste, të ishte partia që të mposhtte Sali Berishën nga avantazhet e saja, dhe jo nga kopjimi i stilit të tij”, është shprehur Malaj.

 

LSI depoziton listën, Meta i pari në Tiranë

LSI ka depozituar në Komisionin Qendror të Zgjedhjeve listën me emrat e kandidatëve për deputetë në zgjedhjet e 23 qershorit.

Sipas informacioneve të fundit, numrin më të madh të kandidatëve kjo parti do ta ketë në Tiranë, ku kandidojnë: Ilir Meta, Klajda Gjosha, Luan Rama dhe Ylli Manjani.

Qarku i dytë më i rëndësishëm për këtë parti është ai i Durrësit, ku i pari në listë është ish-kryetari i bashkisë së këtij qyteti, Lefter Koka, i ndjekur nga Edmond Panariti.

Numri dy i kësaj partie, Petrit Vasili, ish-ministër i Shëndetësisë dhe deri pak më parë nënkryetar i bashkisë së Tiranës, do të kryesojë listën e Fierit, ndërsa Vangjel Tavo do garojë në Gjirokastër bashkë me Reshat Zikën. Në qarkun e Beratit do të kandidojë z. Nasip Naço.

Në veri të vendit lista e partisë së dytë të koalicionit të majtë do të përfaqësohet nga Agron Çela dhe Nora Malaj në Shkodër, Apostol Goci dhe Qemal Elezi në Kukës dhe Përparim Spahiu në Dibër.

Monika Kryemadhi, bashkëshortja e kryetarit Ilir Meta, do të kryesojë listën e Lezhës, e ndjekur nga Petrit Gjoni. Ish-ministri i Jashtëm Edmond Haxhinasto do të kandidojë në Elbasan, ndëkohë që qarku i Korçës plotësohet nga emrat e Pirro Kapuranit dhe Mimoza Gushos.

Dritan Prifti garon si i pavarur

Ndërkohë, ish-anëtari i LSI dhe dikur një nga personat më të afërt të Metës, Dritan Prifti, ka dorëzuar në KQZ kërkesën për të kandiduar si deputet i pavarur në qarkun e Fierit.

Emri i tij nuk u pranua as nga Partia Socialiste, sikurse shpresonte ish-ministri i Energjitikës, i cili së fundmi u shpall i pafajshëm në një proçes për korrupsion.

Emra të tjerë të njohur për kandidatë të pavarur nuk ka, përveç disave që për momentin mbahen sekret nga instituti qëndror që menaxhon proçesin elektoral. 

/ Top Channel







comments powered by Disqus

VLERËSO KËTË LAJM

KRYESORET




LAJME TE NGJASHME




SONDAZH

Mendoni se vizita e kryeministrit Rama ne Beograd do të çtensionojë marrëdheniet midis dy vendeve?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 139 139.5
USD 108.3 109
GBP 175 175.5
CHF 115 115.5
TREGJE DHE BURSA
0.00
0.00
0.00%
NASDAQ 4316.075
+57.637
+1.35%
S&P 500 1904.01
+17.25
+0.91%
FTSE 100 6322.53
+55.46
+0.88%
FTSE MIB 18966.939
+426.840
+2.30%
CAC 40 4050.69
+59.45
+1.49%
DAX 8807.70
+89.94
+1.03%
HANG SENG 23088.58
+18.32
+0.08%
Nikkei 225 14804.28
-306.95
-2.03%
S&P/ASX 100 4432.800
+4.900
+0.11%




Top Channel 2001-2014
Ndalohet riprodhimi i paautorizuar i permbajtjes se kesaj faqeje.