Studimi në SHBA, grupmosha e mesme, më shumë vetëvrasje
03/05/2013 03:50
Studimi në SHBA, grupmosha e mesme, më shumë vetëvrasje
Shkalla e vetëvrasjeve mes amerikanëve të grupmoshës së dytë është rritur me 28% brenda një dekade, bën të ditur një raport nga Qendrat për Kontrollin e Sëmundjeve (CDC).

Mes të rriturve të grupmoshës 35-64 vjeç, popullsia e bardhë dhe ajo e indiano-amerikane ka parë rritjen më të mprehtë mes viteve 1999-2010.

CDC nuk ka hetuar shkaqet e këtij trendi në rritje, por ka theksuar se shumë programe, për parandalimin e vetëvrasjeve, janë drejtuar kryesisht drejt të rinjve dhe të moshuarve. Raporti tregonte se nuk kishte ndryshime mes grupmoshave të tjera.

Që nga 2009-a, vetëvrasjet kanë marrë më shumë jetë amerikanësh, se sa aksidentet rrugore. Ka patur 38,350 vetëvrasje në 2010-n, duke e renditur këtë veprim si të 10-tin në rang kombëtar për shkaktimin e vdekjeve, thuhej në raportin e CDC.

Njerëzit e grupmoshës 35-64 llogariten të kenë shkaktuar rreth 57% të vetëvrasjeve në SHBA, sipas këtyre të dhënave.

Në përgjithësi, shkalla e vetëvrasjeve mes amerikanëve të kësaj grupmoshe është rritur nga afro 14 për 100 mijë banorë, në 1999, në gati 18 të tillë në 2010, raporton CDC.

Mes indiano-amerikanëve, vetëvrasjet janë rritur me 65%, nga 11 për 100 mijë banorë, në 19 të tillë, për të njëjtën periudhë studimi. Ndërsa për njerëzit e bardhë, kjo shifër është rritur me 40%, nga 16 për 100 mijë banorë, në 22 të tillë.

Ekspertët janë të pasigurt në lidhje me shkaktarët e kësaj rritjeje, që realisht është në disproporcion mes banorëve me kombësi amerikane dhe personave të bardhë, gjatë një periudhe në të cilën u shtri recesioni.

Rritja më e madhe e vetëvrasjeve, në këtë studim, ka qenë mes grupmoshave 50-64 vjeç, duke përfshirë këtu të gjitha etnitë. / Top Channel







comments powered by Disqus

VLERËSO KËTË LAJM

KRYESORET




SONDAZH

A mendoni se do t`i vihet fre fenomenit të vjedhjes së energjisë pas ultimatumit të qeverisë se autorët do të arrestohen?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 139 139.4
USD 109.5 110.2
GBP 176 176.5
CHF 115 115.5
TREGJE DHE BURSA
0.00
0.00
0.00%
NASDAQ 4316.075
+57.637
+1.35%
S&P 500 1904.01
+17.25
+0.91%
FTSE 100 6322.53
+55.46
+0.88%
FTSE MIB 18966.939
+426.840
+2.30%
CAC 40 4050.69
+59.45
+1.49%
DAX 8807.70
+89.94
+1.03%
HANG SENG 23088.58
+18.32
+0.08%
Nikkei 225 14804.28
-306.95
-2.03%
S&P/ASX 100 4432.800
+4.900
+0.11%




Top Channel 2001-2014
Ndalohet riprodhimi i paautorizuar i permbajtjes se kesaj faqeje.