Opozita dhe opinioni publik
18/03/2013
Opozita dhe opinioni publik
Ilir Yzeiri - Zgjedhjet parlamentare që po afrojnë e gjejnë Shqipërinë në një situatë kaotike dhe demokracinë europiane në një krizë të thellë. Vendet e Ballkanit Perëndimor, sa herë që përmenden nga mediat e huaja, për fat të keq, përfillen si modele të mbrapshta e negative.

Para disa kohësh, e përditshmja italiane “Corriere della Sera”, thoshte në një editorial të saj, se edhe Italia po preket nga sindroma e Ballkanit. Sipas kësaj analize, sindroma e Ballkanit është përjashtimi i tjetrit dhe mungesa e bashkëpunimit dhe ndarja e thellë shoqërore e nacionale.

Ne, vendet e Ballkanit Perëndimor dhe Shqipëria e Kosova në veçanti, nuk po dimë të shfrytëzojmë rastin magjik që na është dhënë për të ndërtuar një shtet ligjor e për të instaluar shkallë-shkallë demokracinë. Përkundrazi, ne vijojmë të sillemi me mentalitetin e cubit dhe të horrit politik. Në Shqipëri është krijuar psikoza e frikshme se pushteti në këtë vend nuk ndërrohet më me votë.

Tani që ka filluar fushata elektorale, ligjërimi politik ka nisur të bëhet më agresiv dhe polarizues. Qeveria e Berishës po lëshon mesazhe se nuk ka ndërmend ta lëshojë pushtetin. Pa iu dridhur qerpiku fare, Berisha dhe cubat e tij flasin për mandatin e tretë si për një të drejtë që u takon nga Perëndia. Në ligjërimin politik të Berishës dhe të cubave të tij nuk ekziston përunjësia dhe llogaridhënia.

Në çdo vend demokratik, qeveria apo edhe opozita nuk shpallin kurrë fitoren preventive, por me përunjësi deklarojnë se këtë do ta vendosin zgjedhësit. Vetëm në Shqipëri, dhe vetëm një njeri në këtë vend, për hir të së vërtetës dhe vetëm njeriu me emrin Sali Berisha, nuk e llogarit popullin dhe zgjedhësit.

Ai, në ligjërimin e tij politik, artikulon gjithnjë e më shumë aksiomën e mbajtjes së pushtetit dhe mosdorëzimit të tij. Nga ky pikëvështrim, Shqipëria ngjan gati-gati e pushtuar nga një bandë që ka rrëmbyer pushtetin dhe, sipas saj, edhe pala tjetër është një bandë së cilës banda në qeveri nuk ia dorëzon pushtetin. Mirëpo, në këta njëzet e ca vjet në Shqipëri është krijuar edhe një hapësirë publike që, më së shumti, ushqehet nga opinioni publik dhe jo nga deklaratat e politikanëve. Opinioni publik në Shqipëri janë zërat kritikë e të shqetësuar për fatet e demokracisë, të krimit, të korrupsionit dhe të shpërbërjes kulturore të këtij vendi.

Zërat kritikë që shfaqen në media apo edhe në tribuna të tjera publike janë i vetmi oksigjen që e mban gjallë trupin e rraskapitur të demokracisë shqiptare. Në një shtet normal demokratik, opozita është më komode, se pjesën më të madhe të punës e ka kryer opinioni publik dhe asaj nuk i mbetet gjë tjetër vetëm se të artikulojë më me forcë ato të vërteta që opinioni publik i ka denoncuar me kohë. Dominik ëolton thotë se komunikimi politik përbëhet nga artikujt në media, debatet e politikanëve dhe sondazhet. Për fat të keq debatet që sapo kanë nisur në media mes politikanësh nuk janë një ballafaqim serioz alternativash. Në të shumtën e rasteve ato janë shfaqje mediokre të dy grupeve që grinden e zihen me një fjalor shpeshherë vulgar. Është e pafalshme që opozita të mos dalë triumfatore në këto debate. Pse? Sepse punën më të madhe në këtë ballafaqim e ka bërë opinioni publik dhe media kritike. Këtu nuk është rasti për të përmendur ngjarjet e mëdha tragjike si Gërdeci apo 21 janari, por është fjala për të artikuluar më me forcë dhe me fakte ngulmimin për të çmontuar një qeveri që sillet me këtë vend sikur të jetë një qeveri pushtuese. Po sjell vetëm një fakt. Kjo qeveri mburret vend e pa vend se ka asgjësuar bandat. Për cilat banda e ka fjalën? A nuk ishte rrugëve një kapobandë, pra a nuk ishte rrugëve ai që vrau pa iu dridhur dora komisarin e Shijakut? Tjetër? Përse nuk zbulohet krimi makabër që vrau gjyqtarin e Vlorës? Të mos harrojmë se ata që vunë rendin në Shqipëri dhe që asgjësuan bandat pas vitit 1997 për hir të së vërtetës ishin socialistët dhe ministri Spartak Poçi me shefin e krimeve Xhavit Shala. Mirëpo opozitarët kur dalin në debate bëjnë lojën e gangsterëve të qeverisë që ngacmohen me fjalë banale për gjëra që nuk kanë lidhje me demokracinë shqiptare. Tjetër, kjo qeveri po krijon mitin e rrugëve. Është mashtrimi më i madh. Hajde të nisemi nga Tirana dhe në cilindo drejtim që të udhëtojmë do të gjejmë rrugë të papërfunduara, të shkatërruara dhe të vjedhura. Në drejtim të Shkodrës, Peshkopisë, në drejtim të Elbasanit, në drejtim të Gjirokastrës. Më thoni një drejtim ku mund të shkosh pa u shqetësuar. Rrugët në Shqipëri janë një tmerr. Ndaj opozita ka fat se opinioni publik e ka larguar tashmë këtë qeveri. Opozita duhet të na tregojë se është serioze dhe e aftë që të mbajë fjalën.

Gazeta "Shqip"









Login per te komentuar

TE REKOMANDUARA PER JU

Vendi i deputetëve është në parlament…por ndonjëherë ndodh edhe kështu
Vendi i deputetëve është në parlament…por ndonjëherë ndodh edhe kështu
Të tallesh me jetën e qytetarëve asnjëherë nuk është një vendim i zgjuar për një ligjvënës dhe herët a vonë “do të marrësh kusurin”.

ISIS paralajmëron Amerikën për sulme
ISIS paralajmëron Amerikën për sulme
Një mbështetës i militantëve të Shtetit Islamik ka paralajmëruar për sulme ndaj Shteteve të Bashkuara dhe aleatëve të tyre, nëse vazhdojnë të ndërmarrin veprime ushtarake kundër grupit, që ka pushtuar pjesë të mëdha të Irakut dhe Sirisë, ka bërë të ditur shërbimi monitorues SITE.

Viçi me tre sy
Viçi me tre sy
Ky është viçi me tre sy që në Indi po konsiderohet si një ikonë shpirtërore. Hindutë e quajnë këtë kafshë si një bekim që kur ka lindur me një sy shtesë në mes të ballit para dy javësh.

Shqiptari, që u “dhuron” zemrën falas italianëve çdo pasdite
Shqiptari, që u “dhuron” zemrën falas italianëve çdo pasdite
Tashmë ai është i njohur. Prej disa muajsh, për të dhe nismat e tij të bamirësisë kanë shkruar mediat italiane, ndërsa gëzimin për të ndarë të mirat me të tjerët e ka përcjellë edhe ai vet, përmes një lidhjeje në Pasdite në Top Channel.

Tahiri dhe Jenkins në Lazarat
Tahiri dhe Jenkins në Lazarat
Ministri i Brendshëm Saimir Tahiri, së bashku me Drejtorin për Ballkanin Perëndimor dhe Zgjerimin në Ministrinë e Jashtme të Britanisë së Madhe, Owern Jenkinks, ishin për një vizitë në fshatin Lazarat.

“Meshari” i Gjon Buzukut në Shqipëri
“Meshari” i Gjon Buzukut në Shqipëri
Kryeministri Edi Rama ka njoftuar se Papa Françesku do të vijë në Shqipëri së bashku me një “kopje besnike të Mesharit të Gjon Buzukut”.


VLERËSO KËTË LAJM

KRYESORET




LAJME TE NGJASHME



SONDAZH

Si e vlerësoni cilësinë e infrastrukturës në sistemin shkollor parauniversitar?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 139.9 140.2
USD 107.9 108.2
GBP 175.5 176
CHF 115.3 115.7
TREGJE DHE BURSA
0.00
0.00
0.00%
NASDAQ 4552.759
+33.856
+0.75%
S&P 500 1998.98
+14.85
+0.75%
FTSE 100 6804.18
+11.94
+0.18%
FTSE MIB 20943.439
+154.939
+0.75%
CAC 40 4435.81
+26.66
+0.60%
DAX 9679.15
+46.221
+0.48%
HANG SENG 24376.41
+240.40
+1.00%
Nikkei 225 15888.67
-22.86
-0.14%
S&P/ASX 100 4491.600
-32.900
-0.73%




Top Channel 2001-2014
Ndalohet riprodhimi i paautorizuar i permbajtjes se kesaj faqeje.