Shqipëria nuk e merr statusin
10/12/2012
Pa surpriza, Shqipëria nuk pritet të marrë përgjigje pozitive për statusin kandidat të martën, gjatë vendimit të Këshillit të Ministrave të BE-së për çështjet e përgjithshme.

Top Channel siguroi draft-konkluzionet për vendin, të miratuara në nivel ambasadorësh të premten e kaluar në Bruksel, ku fillimisht mirëpritet progresi i shënuar nga vendi, falë dialogut të përmirësuar mes qeverisë dhe opozitës.

"Shqipëria përmbushi një set reformash që buronin nga prioritetet kyçe, veçanërisht në adresimin e mirëfunksionimit të parlamentit, reformës zgjedhore dhe emërimin e zyrtarëve kyç. Këshilli vëren vlerësimin e Komisionit se Shqipëria ka përmbushur katër nga prioritetet kyçe dhe se është drejt përmbushjes së dy prioriteteve të tjera".

Në paragrafin e parë, në pjesën e qëndrimit të vetë vendeve anëtare, përfshihet edhe ndjeshmëria e vendeve kritike për luftën ndaj krimit e korrupsionit, testi i zgjedhjeve, dhe shqetësimi për retorikën nacionaliste.

"Këshilli mirëpret rolin e vazhdueshëm konstruktiv të Shqipërisë në rajon dhe i bën thirrje Shqipërisë të shmangë deklarata që shkojnë kundër marrëdhënieve të fqinjësisë së mirë. Këshilli nënvizon nevojën për të rritur më tej përpjekjet, siç janë përcaktuar nga raporti i Komisionit, veçanërisht në fushën e reformave të gjyqësorit për të forcuar pavarësinë, efikasitetin dhe llogaridhënien e tij, në luftën kundër korrupsionit dhe krimit të organizuar, në mbrojtjen e të gjitha minoriteteve, si dhe në zbatimin e reformave. Mbajtja e suksesshme e zgjedhjeve parlamentare të vitit 2013 do të jetë një test thelbësor për funksionimin e patrazuar të institucioneve demokratike të vendit".

Në paragrafin e përgjigjes ndaj rekomandimit të Komisionit, Këshilli e fton këtë të fundit të raportojë sapo të jenë plotësuar, jo vetëm tre çështjet e mbetura, por me theks të përsëritur dhe rezultatet në luftën kundër krimit e korrupsionit.

"Këshilli vëren rekomandimin e Komisionit për t’i dhënë Shqipërisë statusin kandidat, nëse përmbushen masat kyçe në fushat e reformës së gjyqësorit dhe administratës publike dhe pas ndryshimeve të rregullores së parlamentit. Me qëllimin për të vendosur nëse do të japim statusin kandidat, Këshilli fton Komisionin të raportojë sa më shpejt të jetë arritur progresi i nevojshëm, duke marrë parasysh gjithashtu veprimet e mëtejshme të ndërmarra nga Shqipëria për të luftuar korrupsionin, krimin e organizuar, përfshirë hetimet pro-aktive dhe ndjekjet penale të rasteve të tilla".

Në përfundim, e në paragrafin e fundit, Këshilli kujton se për çeljen e negociatave për anëtarësim, vendi duhet të përmbushë pjesën e 12 prioriteteve të paplotësuara që prej Opinionit të Komisionit të vitit 2010.

"Do të kërkohet zbatimi i vazhdueshëm i reformave dhe përmbushja e të gjitha kritereve kyçe në mënyrë që Shqipëria të nisë negociatat me BEnë. Siç është përshkruar në rekomandimin e Komisionit, Këshilli bën thirrje për fokus të veçantë mbi : zhvillimin e zgjedhjeve në përputhje me standartet europiane dhe ndërkombëtare ; përforcimin e pavarësisë, efikasitetit dhe llogaridhënies së institucioneve gjyqësore ; përpjekjet e vendosura në luftën kundër korrupsionit dhe krimit të organizuar, përfshirë hetimet pro-aktive dhe ndjekjet penale, me qëllim ndërtimin e gjurmëve të forta të provave ; masat efektive për të përforcuar mbrojtjen e të drejtave të njeriut dhe politikat anti-diskriminuese, përfshirë në fushën e minoriteteve, dhe trajtimin e barabartë të tyre ; dhe zbatimin e të drejtës së pronës".

Teksti për Shqipërinë pritet të miratohet të martën nga Ministrat e çështjeve europiane të BE-së, para se t’i kalojë për miratim formal krerëve të shteteve dhe qeverive të BE-së gjatë samitit të fundjavës.

Pergatiti ARTA TOZAJ
/ Top Channel
Integrimi
Çfarë solli takimi i lartë Shqipëri-BE?
Bojkoti i opozitës, thirrja për dialog dhe plotësimi i 5 prioriteteve
“Dyert e BE, të hapura për Ballkanin”
“The Economist”: Por integrimi është në dorën e vendeve të rajonit
Përfundimet e tryezës Shqipëri-BE
Vijimi i reformave, dialogu politik, drejtësia...








comments powered by Disqus
TE REKOMANDUARA PER JU

“Monster Truck” shtyp turmën
“Monster Truck” shtyp turmën
Piloti i një makine në garat “Monster Truck” në Holandë humbi kontrollin e mjetit dhe u përplas me turmën duke shkaktuar vdekjen e tre persona, njëri prej të cilëve fëmijë.

Irak, betejë e ashpër për Amariya al-Falluja
Irak, betejë e ashpër për Amariya al-Falluja
Forcat irakiane në terren, të mbështetur edhe nga sulmet ajrore që nisën pas përplasjeve me militantë të Shtetit Islamik, duken se po arrijnë të ndalin avancimin e tyre në qytetin e Amariya al-Fallujas, 40 km në Perëndim të Bagdadit, një qytet me një pozicion strategjik.

Shqiptarët në paradën gay
Shqiptarët në paradën gay
Parada \'gay\' në Serbi ka ndikuar që shumë aktivistë nga i tërë rajoni të marrin pjesë në organizimin e saj. Me mbështetje të shumë përfaqësuesve ndërkombëtare, parade në Beograd ka qenë test edhe për vendet tjera.

“Zgjerimi i NATO-s në Ballkan, një provokim”
“Zgjerimi i NATO-s në Ballkan, një provokim”
Zgjerimi i NATO-s në Ballkan, me anëtarësimin potencial të ish-republikave jugosllave të Bosnje-Hercegovinës, Maqedonisë dhe Malit të Zi, mund të shihet si një “provokim”, është cituar të ketë thënë ministri i Jashtëm rus, gjatë një interviste të publikuar të hënën.

Mashtrohet nga sozia e futbollistit
Mashtrohet nga sozia e futbollistit (FOTO)
Ata janë të superpaguar, gjithnjë në qendër të vëmendjes, të paktën gjatë fundjavave futbollistike dhe magnet femrash gjatë ditëve të tjera të javës.

Përplaset trageti në Vlorë
Përplaset trageti në Vlorë
Mëngjesin e sotëm trageti i linjës Brindizi-Vlorë është përplasur me një peshkarexhë në afersi të ishullit të Sazanit.


VLERËSO KËTË LAJM

KRYESORET




LAJME TE NGJASHME




SONDAZH

Si e vlerësoni këmbënguljen e qeverisë për reformën në Drejtësi?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 139.8 140.1
USD 110 110.5
GBP 178.5 179
CHF 115.5 116
TREGJE DHE BURSA
INDU 0.00
N/A
N/A
NASDAQ 4505.853
-6.341
-0.14%
S&P 500 1977.80
-5.05
-0.25%
FTSE 100 6635.77
-10.83
-0.16%
FTSE MIB 20740.510
+214.400
+1.04%
CAC 40 4400.96
+42.89
+0.98%
DAX 9468.55
+45.64
+0.48%
HANG SENG 22932.98
-296.23
-1.28%
Nikkei 225 16173.52
-137.12
-0.84%
S&P/ASX 100 4397.300
+24.600
+0.56%




Top Channel 2001-2014
Ndalohet riprodhimi i paautorizuar i permbajtjes se kesaj faqeje.