Financat në vështirësi
20/09/2012
Të dhënat zyrtare të Ministrisë së Financave tregojnë se Qeveria po vihet në vështirësi për të mbajtur treguesit e buxhetit brenda kufijve ligjor të vendosur nga Parlamenti.

Sipas të dhënave, vetëm në tetë muajt e parë të vitit Ministria e Financave ka ezauruar të gjithë kufirin vjetor të huamarrjes së brendshme. Gjatë periudhës janar-gusht, Qeveria ka marrë në tregun e brendshëm nga bankat dhe individët 18.45 miliardë lekë borxh, ose  99.67 për qind të gjithë planit vjetor. Në total kufiri i borxhit të ri që mund të marrë Qeveria përgjatë vitit 2012 është 41.1 miliardë lekë, por pjesa tjetër është huamarrje e jashtme, e përcaktuar me ligj vetëm për financimin e projekteve të huaja kryesisht nga donatorët dhe bankat e zhvillimit. Përmbushja e kufirit ligjor të huamarrjes i imponon qeverisë një menaxhim të shtrënguar të buxhetit për ta mbajtur këtë tregues në kontroll.

Masat e para kanë filluar që muajin e kaluar, kur Qeveria miratoi një vendim për displinimin e shpenzimeve, që ndalonte një sërë zërash shpenzimesh për administratën që nga trajnimet dhe deri tek shpenzimet për telefona celularë.

Por kur kanë mbetur dhe katër muaj deri nga përfundimi i vitit buxhetor, kjo situatë mund të krijojë shqetësime edhe për biznesin pasi ekspertët druhen se nevoja për të mbajtur borxhin e brendshëm brenda kufijve ligjorë mund ta detyrojë Qeverinë të shtyjë pagesat për kompanitë që kryejnë punë publike, një fenomen tashmë i njohur vitet e fundit.

Te ardhurat 121 milionë USD me pak

Në tetë muajt e parë të vitit plani fillestar i të ardhurave në buxhet është rrëzuar me mbi 12.1 miliardë lekë ose 121 milionë dollarë. Të dhënat zyrtare nga Ministria e Financave tregojnë se gjatë peridhës janar - gusht, Qeveria ka mbledhur në buxhet rreth 218.8 miliardë lekë nga 230.9 miliardë që ishte parashikuar.

Shifrat tregojnë se ky mosrealizim vjen në pjesën dërrmuese nga të ardhurat tatimore, defiçiti i të cilave për këtë periudhë është 10.8 miliardë lekë.

Por teksa të ardhurat janë dukshëm nën planin, kjo nuk ndodh me shpenzimet. Për tetëmujorin shpenzimet e përgjithshme të Qeverisë ishin 241 miliardë lekë, vetëm 3.3 miliardë më pak se parashikimi.

Mosrealizimi i të ardhurave dhe ritmi i lartë i shpenzimeve ka bërë që deficiti buxhetor, të jetë për tetë muajt e parë rreth 165 për qind e planit. Qeveria po e mban pezull rishikimin e buxhetit për shkak të privatizimeve në proces. Nëse tenderi i mistershëm i 'Albpetrol' do të përfundojë me sukses, atëherë Qeveria mund të dalë me skenarë të tjerë financiarë, jo vetëm për 2012-ën, por siç po parlajmërohet jozyrtarisht edhe për vitin e ardhshëm elektoral.  / Top Channel







comments powered by Disqus
TE REKOMANDUARA PER JU

Shtyrja e vizitës, Gjurgjeviç: Fituan forcat ekstremiste
Shtyrja e vizitës, Gjurgjeviç: Fituan forcat ekstremiste
Shtyrja e vizitës së Kryeministrit, Edi Rama në Serbi, për mediat serbe duket si një lehtësim. Pavarësisht që nuk ka shumë komente, ato kujtojnë zënkat në rrjetet sociale dhe incidentet, që kanë ndodhur gjatë kësaj kohe për shkak të ndeshjes. Por, analistët mendojnë se fushata mediale e krijuar fsheh dhe qëllime të tjera.

Nëndetësja, përplasje Holandë-Rusi
Nëndetësja, përplasje Holandë-Rusi
Prania e një nëndetëseje në brigjet e Stokolmit, e cila po kërkohet nga marina suedeze, ka përplasur Holandën me Rusinë.

SHBA u paguante sigurimet nazistëve gjermanë
SHBA u paguante sigurimet nazistëve gjermanë
Qeveria amerikane ka paguar disa dhjetëra nazistë të dyshuar si kriminelë lufte me miliona dollarë në formë sigurimesh shoqërore, pasi i detyroi ata të largoheshin nga Shtetet e Bashkuara.

Adoleshenca drejt degradimit
Adoleshenca drejt degradimit
Konsumi i alkoolit, duhanit, kanabisit, por dhe marrëdhëniet seksuale të hershme në grupmoshat 11, 13 dhe 15 vjeç, pritet të sjellin pasoja jo të pakta në brezin e ri që po rritet.

Rama: BE nuk na kërkoi mosanulimin e vizitës
Rama: BE nuk na kërkoi mosanulimin e vizitës
Duke iu referuar incidenteve dhe dhunës së prodhuar në ndeshjen Serbi-Shqipëri në stadiumin “Partizani” të Beogradit, por edhe retorikës ekstreme nacionaliste që pasoi, kryeministri Rama tha se Ballkani pa Europën e shpresës, siç e cilësoi ai, është një fuçi baruti.


VLERËSO KËTË LAJM

KRYESORET




LAJME TE NGJASHME

SONDAZH

Mendoni se vizita e kryeministrit Rama ne Beograd do të çtensionojë marrëdheniet midis dy vendeve?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 139 139.5
USD 109 109.5
GBP 175.5 175.5
CHF 115 115.5
TREGJE DHE BURSA
16399.67
+19.26
+0.12%
NASDAQ 4316.075
+57.637
+1.35%
S&P 500 1904.01
+17.25
+0.91%
FTSE 100 6267.07
-43.22
-0.68%
FTSE MIB 18540.100
-160.881
-0.86%
CAC 40 3991.24
-41.94
-1.04%
DAX 8717.76
-132.51
-1.50%
HANG SENG 23070.26
+47.049
+0.20%
Nikkei 225 15111.23
+578.721
+3.98%
S&P/ASX 100 4427.900
+38.400
+0.87%




Top Channel 2001-2014
Ndalohet riprodhimi i paautorizuar i permbajtjes se kesaj faqeje.