Kriza, biznesi në vështirësi
18/08/2012
Gjendja financiare e biznesit po vështirësohet teksa të dhënat zyrtare tregojnë se numri i ndërmarrjeve që nuk arrijnë të shlyejnë dot kreditë në banka po rritet me shpejtësi.

Të dhënat zyrtare të Bankës së Shqipërisë tregojnë se vitin e kaluar, kredia e keqe për biznesin u rrit me 63 për qind në terma vjetorë, një ritëm dy herë më të lartë se sa borxhi i keq i individëve. Sipas shifrave, në fund të vitit të kaluar, në çdo 100 lekë kredi që bankat i kanë dhënë biznesit, 20.8 lekë nuk janë kthyer më mbrapsht.

E shprehur në vlerë kjo do të thotë se vetëm kreditë e pashlyera të biznesit kanë arritur tashmë mbi 800 milionë dollarë ose gati 7 për qind të Prodhimit Kombëtar. Por cilat janë degët më në vështirësi? Përtej bumit të trumpetuar turistik, shifrat zyrtare tregojnë se turizmi është një nga sektorët më vështirësitë më të mëdha financiare.

Sipas Bankës së Shqipërisë,në degën e hoteleve dhe restorantet, kredia e keqe u rrit me rreth 2.3 herë vetëm brenda një viti, që do të thotë se aktualisht në çdo 100 lekë që kanë marrë kredi në banka, bizneset e hoteleve dhe restoranteve, nuk kanë kthyer mbrapsht në banka sipas kontratave 45.3 lekë.

Sektori i dytë më problematik, është ai i pasurive të patundshme dhe ndërtimit, i cili prej disa vitesh qëndron i parlaizuar për shkak të rënies së shitjeve, por edhe tkurrjes së fortë të investimeve publike në infrastrukturë. Sipas të dhënave zyrtare, në ndërtim kredia e keqe po cek nivelin 30 për qind gati 1.5 herë më shumë se mesatarja e ekonomisë.

Biznesi fton bankat të rishikojnë interesat

Sipërmarrësit thonë se rritja e fortë e kredive të këqija të biznesit, është i lidhur me rënien e shitjeve dhe mungesën e likuiditetit në treg.

"Mjaft industri prodhuese vendore, në kërkim tregjeve me cdo kusht, si pasojë e mungesës së likuiditetit masiv  në treg realizojnë edhe shitje të cilat quhen shitje të pamaturuara, pra shitje të cilat praktikisht dërgohet malli dhe ndihet fenomeni i mospagesës", tha Gjergj Buxhuku, përfaqësues i Konfindustrisë.
 
Pamundësia e biznesit për të shlyer huatë që ka marrë në banka është thelluar më shumë gjatë këtij viti. Në gjashtë muajt e parë kredia e pashlyer u rrit me 2.43 pikë përqindje dhe pjesa më e madhe e saj ka ardhur sërish nga biznesi. Në këto kushte Luan Bregasi thotë se është e domosdoshme që bankat të zbatojnë një politikë të re me biznesin, atë të diferencimit të ndërmarrjeve që vuajnë nga kriza, me ato që janë keqmenaxhuar.

"Duke i ndarë në këtë mënyrë, unë mendoj që ndërmarrjet që janë në vështirësi për shkak të krizës ekonomike, duhet të rihyjnë në bisedime me drejtuesit e këtyre bizneseve, e këtyre kompanive për të parë mundësinë e riskedulimit të kredive, për të parë mundësinë e shtyrjes së afatit dhe shlyerjes së kredive, për të parë mundësinë e uljes së interesave, normave të interesit të këtyre ndërmarrjeve, nga ndërmarrjet që vuajnë për shkak të menaxhimit të keq. Ato që vuajnë për shkak të menaxhimit të keq janë një grup tjetër ndërmarrjesh, që duhet të trajtohen në një mënyrë tjetër, domethënë edhe mund të ekzekutohen sipas rregullave që kanë në kontratë", tha Bregasi.

Rritja e kredive të këqija tashmë po penalizon edhe ekonominë reale, për shkak se bankat nuk po japin me hua të reja. Të dhënat zyrtare tregojnë se  në fund të qershorit rritja vjetore e kredisë ishte vetëm 8.2 për qind ndër më të ulëtat historike, dhe madje në gjashtë muajt e parë të vitit shifra ka ardhur duke u përkeqësuar.


 

/ Top Channel







Login per te komentuar

TE REKOMANDUARA PER JU

Shqipëria, arsimin ndër më të dobëtit në botë
Shqipëria, arsimin ndër më të dobëtit në botë
Më shumë se gjysëm milioni nxënës të arsimit nëntëvjecar dhe atij të mesëm u ulën në bankat e shkollave anembanë vendit për të nisur vitin e ri shkollor.

Fshati i malit të Shenjtë
Fshati i malit të Shenjtë
Në këtë shtëpi, sot të vetmuar jo larg qytetit të Rubikut, dikur jetonte Abat Preng Doçi , njeriu që jetën ia kushtoi jo thjesht fesë, por mbi të gjitha edhe çështjes kombëtare.

Serbi-Maqedoni, ambasada të përbashkëta
Serbi-Maqedoni, ambasada të përbashkëta
Ministrat e Jashtëm të Maqedonisë dhe Serbisë, Nikolla Popovski dhe Ivica Daçic, nënshkruan këtë të hënë në Shkup marrëveshjen për përfaqësi të përbashkëta diplomatike nëpër botë.

Qerimaj, stërvitje në bjeshkë
Qerimaj, stërvitje në bjeshkë
“Jemi këtu në Rugovë të Pejës, pjesë e Bjeshkëve shqiptare, në lartësinë 1500 metra, ku kampioni i Europës në Peshëngritje, Erkand Qerimaj, ka ardhur për të përgatitur sfidën e radhës, atë të kampionatit botëror. Si gjithmonë me të njëjtat probleme, por nën kujdesin e trajnerit të tij personal, Zef Kovaçi”.

Gabimi trashanik i Diego Lopezit
Gabimi trashanik i Diego Lopezit
Diego Lopez beri nje gabim shume te rende ne ndeshjen Parma-Milan. Portieri i kuqezinjve, pas debutimit te shkelqyer ne Serine A para dy javesh ndaj Lazios, ishte protagonist negativ ne ndeshjen e dyte te kampionatit.


VLERËSO KËTË LAJM

KRYESORET




LAJME TE NGJASHME

SONDAZH

Mendoni qe arrestimi i guvernatorit Fullani i ka dhene fund fenomenit te te paprekshmeve ne Shqiperi?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 139.8 140.4
USD 108.4 109.2
GBP 174.5 175
CHF 115.5 116
TREGJE DHE BURSA
INDU 0.00
N/A
N/A
NASDAQ 4518.903
-48.696
-1.07%
S&P 500 1984.13
-1.41
-0.07%
FTSE 100 6804.21
-2.75
-0.04%
FTSE MIB 20851.721
-219.398
-1.04%
CAC 40 4428.63
-13.07
-0.29%
DAX 9659.63
+8.50
+0.09%
HANG SENG 24356.99
0.00
0.00%
Nikkei 225 15895.38
-52.91
-0.33%
S&P/ASX 100 4542.400
-4.400
-0.10%




Top Channel 2001-2014
Ndalohet riprodhimi i paautorizuar i permbajtjes se kesaj faqeje.