CEZ aksion ndaj debitorëve
25/07/2012
Kompania e Shpërndarjes së Energjisë CEZ ka nisur aksionin në të gjithë territorin e Shqipërisë për ndëshkimin e qytetarëve, që nuk paguajnë energjinë elektrike.

Deri më tani zonat më problematike, me shuma të konsiderueshme të debisë ndaj kësaj kompanie janë Kukësi, Saranda, Lezha, Fushë-Kruja, si dhe mjaft zona informale në afërsi të Tiranës. Ndaj të gjithë këtyre klientëve janë marrë masat për ndërprerjen e furnizimit me energji elektrike, deri në shlyerjen e detyrimeve që kanë ndaj CEZ.

"Në Kukës ka kabina që janë 100 për qind debitorë dhe për cdo kabinë, vlera arrin deri 22 milionë lekë. Kemi zona në Sarandë ku janë debitorë dhe ka blera e debisë është rreth 3 milionë lekë. Kemi zona në Lezhë, sidomos në fshatin Manati, ku debia arrin rreth 5 milionë lekë. Mund të përmend edhe zona të tjera që kanë qenë më problematike, si zona Nikël në Fushë-Krujë. Në këto zona është prerë energjia dhe e vetmja mënyrë për të bërë rilidhjen është pagesa e energjisë", tha Admirim Lakra, drejtor i Divizionit të Shpërndarjes.

Gjatë këtij aksioni është vërejtur në masë edhe fenomeni i lidhjeve të paligjshme. CEZ thotë se vetëm gjatë vitit 2012, rezultojnë rreth 1700 raste të tilla të cilat janë dërguar për ndjekje penale. Kompania CEZ ka kërkuar ndihmën e autoriteteve lokale dhe forcave të rendit, pasi në disa komuna ka patur edhe konflikte si në rastin e fshatit Murs, në Sarandë ku banorët për më shumë se dy orë kanë mbajtur të bllokuar punonjësit e kompanisë duke mos i lejuar të kryejnë punën e tyre. Një tjetër rast ka qenë ai i komunës Kolsh në Lezhë, ku pas ndërprerjes së energjisë, banorët kanë rilidhur kabinën me rrjetin shpërndarës duke detyruar CEZ të stakojë energjinë për të gjithë zonën.   
/ Top Channel







Login per te komentuar


VLERËSO KËTË LAJM

KRYESORET




LAJME TE NGJASHME




SONDAZH

Si e vlerësoni cilësinë e infrastrukturës në sistemin shkollor parauniversitar?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 139.8 140.3
USD 108.3 108.8
GBP 178 178.5
CHF 115.5 116
TREGJE DHE BURSA
17279.74
+13.75
+0.08%
NASDAQ 4579.788
-13.638
-0.30%
S&P 500 2010.40
-0.96
-0.05%
FTSE 100 6837.92
+18.63
+0.27%
FTSE MIB 20972.350
-156.371
-0.74%
CAC 40 4461.22
-3.48
-0.08%
DAX 9799.26
+1.13
+0.01%
HANG SENG 24306.16
+137.439
+0.57%
Nikkei 225 16321.17
+253.6
+1.58%
S&P/ASX 100 4512.000
+13.200
+0.29%




Top Channel 2001-2014
Ndalohet riprodhimi i paautorizuar i permbajtjes se kesaj faqeje.