Tragjedia në Himarë, 13 viktima
21/05/2012
11 studente, drejtuesi i një autobusi me të cilin ato udhëtonin dhe i fejuari një prej vajzave, humbën jetën në një aksident të rëndë në Qafën e Vishës në rrugën Vuno Himarë. 20 studente të tjera u plagosën rëndë, kur autobusi doli nga rruga dhe përfundoi në një greminë 80 metra të thellë.

Studentët janë në degën Gjuhë-Letërsi në universitetin Aleksandër Xhuvani në Elbasan dhe ishin nisur drejt Sarandës për ekspeditën që realizohet në vitin e tretë të faklutetit. Të parët në vendin e ngjarjes mbërritën banorët e zonës dhe kalimtarët që lajmëruan policinë dhe ambulancat. Artur Lapa ishte një prej tyre.
 
“Kemi mbërritur në momentin e parë, gjetëm njerëz të gjallë u dhamë ndihmën e shpejtë, i nxorrëm të gjithë. Ndihmuam ambulancat dhe ndihmën e shpejtë. Kishte edhe në gjendje të rëndë”, tha Artur Lapa.




Shumë shpejt në vendin e ngjarjes kanë mbërritur dhjetëra autoambulanca, repartet zjarrfikëse, policia të cilët kanë nxjerrë të plagosurit e shumtë nga autobuzi i shkatërruar dhe janë nisur për në qëndrën shëndetësore të Himarës, më e afërta. Aty të plagosurit kanë marrë ndihmën e parë mjekësore, gjithashtu aty janë dërguar edhe viktimat e këtij aksidenti.



Një prej vajzave të plagosura që u mjekua në qëndrën e Himarës para se të nisej për mjekim për në Vlorë ka treguar shkakun e aksidentit.
   
“I mbaj mend të gjitha nuk e di me saktësi sa veta ishim. Shoferi ecte shumë shpejt. Jam nga Elbasani dega Gjuhë-Letërsi, viti i tretë”, tha Ticiana Hysa, studente e mbijetuar.

Ticiana është studente e grupit B të degës gjuhë-letërsi dhe ndodhej ne autobusin e tragjedisë. Ajo së bashku me 20 studentët e tjerë janë nisur me ambulancë për në spitalin e Vlorës ku mjekët kanë qenë në pritje për t‘u dhënë ndihmën e parë të plagosurve.



Aty kanë qëndruar studentët në gjendje më të lehtë ndërkohe që kanë mbërritur nga qyteti Elbasanit edhe familjarët e tyre. Vajzat në gjendje më të rëndë shëndetësore janë nisur me helikopter për në Spitalin Ushtarak në Tiranë. Helikopterët kanë mbërritur në fushën e helikopterëve në Tiranë ku autoambulancat i kanë dërguar më pas për në Spitalin Ushtarak.

Fatkeqësisht dy prej vajzave humbi jetën atje me gjithë përpjekjet e mjekëve për ta shpëtuar. Policia doli me nje deklarate zyrtare per ngjarjen ku konfirmoi emrat e studenteve të plagosura që kurohen në Tiranë dhe në Vlorë. 

Sipas njoftimit zyrtar te Policise se Shtetit, ngjarja ndodhi rreth orës 16.15. Në vendin e quajtur Qafa e Vishës, një autobus me targë El 2274 B, me drejtues shtetasin Pëllumb Çela, vjeç 55, me të cilin po udhëtonin disa studentë të universitetit “Aleksandër Xhuvani” ka dalë nga rruga. Menjëherë, drejt vendngjarjes janë nisur forca të shumta të Drejtorisë së Policisë së Qarkut Vlorë, të Repartit Delta Force dhe të Njësisë Rajonale të Policisë Rrugore për të dhënë ndihmën e nevojshme dhe për të menaxhuar situatën. Pranë Drejtorisë së Përgjithshme të Policisë së Shtetit u ngrit grupi i punës për menaxhimin e situatës.




Drejt vendngjarjes shkoi gjithashtu dhe Ministri i Brendshëm dhe Drejtori i Përgjithshëm i Policisë së Shtetit. Ndërkohë për të transportuar të dëmtuarit drejt spitalit u dërguan helikopterë të Policisë së Shtetit, Ministrisë së Shëndetësisë, si dhe të Ministrisë së Mbrojtjes, ndersa u nisen dhe forcat speciale RENEA, si dhe forcat speciale të Ministrisë së Mbrojtjes. Në vendngjarje u derguan dhe ambulancat e Vlorës, Himarës, Sarandës, si dhe ambientet spitalore u vunë në gatishmëri të plotë.

 

 

 

/ Top Channel







comments powered by Disqus
TE REKOMANDUARA PER JU

Siguria, incidenti në Shtëpinë e Bardhë “i papranueshëm”
Siguria, incidenti në Shtëpinë e Bardhë “i papranueshëm”
Drejtoresha e një agjencie, përgjegjëse për sigurinë e Presidentit Barack Obama, ka bërë të ditur se shkelja e sigurisë në Shtëpinë e Bardhë, më herët gjatë këtij muaji, ishte “e papranueshme”.

Irak, nisin sulmet e para britanike
Irak, nisin sulmet e para britanike
Avionët luftarak të Forcave Ajrore të Mbretërisë (RAF) së Britanisë kanë nisur sulmet e tyre të para ndaj objektivave të Shtetit Islamik në Irak, duke goditur një vendstrehimi të armëve të rënda dhe një kamion që po transportonte armatime.

Vajza me një top leshi të stërmadh në stomak
Vajza me një top leshi të stërmadh në stomak
Një vajzë adoleshente e cila nuk mund të pinte dot asnjë gotë ujë pa i ardhur për të vjellë mësoi se fajin për këtë e kishte një top leshi i madh që i bllokonte stomakun.

Zuckerberg adhuron privatësinë (të veten)
Zuckerberg adhuron privatësinë (të veten)
Mark Zuckerberg është një adhurues i privatësisë…por vetëm kur bëhet fjalë për të veten.

Si abuzohet me jetimët në Shqipëri?
Si abuzohet me jetimët në Shqipëri?
Emisioni “Fiks Fare” nisi të martën në mbrëmje transmetimin e një investigimi që do të tregojë se si thithen fonde nga shoqata, që veprojnë në emër të jetimëve në Shqipëri, duke mashtruar, por edhe se si kërkohen favore seksuale, në këmbim të ndihmës për të përfituar statusin e jetimit.

Incidenti në takimin me komisionerin Fule
Incidenti në takimin me komisionerin Fule
“Duhej të ishte dialog i nivelit të lartë, siç edhe është quajtur, por Edi Rama e ktheu takimin e djeshëm në një bisedë të nivelit shumë të ulët”.


VLERËSO KËTË LAJM

KRYESORET




LAJME TE NGJASHME




SONDAZH

Si e vlerësoni këmbënguljen e qeverisë për reformën në Drejtësi?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 139.8 140.1
USD 110 110.5
GBP 178.5 179
CHF 115.5 116
TREGJE DHE BURSA
INDU 0.00
N/A
N/A
NASDAQ 4493.39
-12.462
-0.28%
S&P 500 1972.29
-5.51
-0.28%
FTSE 100 6606.19
-16.53
-0.25%
FTSE MIB 20893.789
+1.680
+0.01%
CAC 40 4424.53
+8.29
+0.19%
DAX 9510.71
+36.41
+0.38%
HANG SENG 22932.98
-296.23
-1.28%
Nikkei 225 16082.25
-91.27
-0.56%
S&P/ASX 100 4432.300
+35.000
+0.80%




Top Channel 2001-2014
Ndalohet riprodhimi i paautorizuar i permbajtjes se kesaj faqeje.