Turqia: Homsi si Sarajeva dhe Srebrenica
03/03/2012
Turqia: Homsi si Sarajeva dhe Srebrenica
Turqia e ka cilësuar situatën e krijuar së fundmi në qytetin e Homsit në Siri, ku qindra civilë kanë mbetur të vrarë dhe shumë të tjerë ndodhen nën sulmet barbare të ushtrisë së presidentit Bashar al Assad, të ngjashme me atë të Sarajevës dhe Srebrenicës gjatë luftës së Bosnjes në vitet ’90.

“Kemi të bëjmë me një atmosferë të njëjtë sin ë Srebrenicë dhe Sarajevë”, deklaroi Ministri i Jashtëm turk, Ahmet Davutoglu gjatë një takimi me homologun italian, Giulio Terzi.

“Po konsumohet më e keqja që mund të ndodhë në një luftë, vrasja e civilëve. Në fillim qëllohej kundër kujtdo që protestontë, ndërsa tani as nuk dihet se kush është armiku dhe artileria po bombardon qytetin e banuar me civilë, gra e fëmijë”, tha kryediplomati turk.

Ndërkohë, trupat e pajetë të dy reporterëve perëndimorë të vrarë pak ditë më parë nga bombardimet e ushtrisë në Homs, gazetares amerikane Marie Colvin dhe fotografit francez Remi Ochlik u morën nga shërbimet diplomatike përkatëse në Liban

Ata u vranë në krye të detyrës në Homs, kur një predhë goditi godinën që përdorej si strehë e gazetarëve të huaj, në prapavijën e trupave rebele.

Ndërkohë, Sekretari i Përgjithshëm i OKB-së, Ban Ki Moon ka deklaruar se autoritetet siriane kanë kryer në mënyrë të qartë krime në masë kundër popullsisë civile në vend.

Në një fjalim drejtuar Asamblesë së Përgjithshme, Ki Moon deklaroi se komuniteti ndërkombëtar ka dështuar në detyrën e tij dhe mungesa e veprimit ka inkurajuar liderët sirianë që të ushtrojnë represion ndaj civilëve.

Por nga ana tjetër, Sekretari i Përgjithshëm nënvizoi se militarizimi i opozitës siriane nuk është përgjigjia e duhur për zgjidhjen e këtij problemi. Ai foli teksa Kryqi i Kuq priste të siguronte aksesin në zonat e bombarduara të qytetit të Homsit.

Donin të dezertonin, ekzekutohen 47 ushtarakë

Masakrat në Siri nuk kanë të sosur. 47 ushtarë që kërkonin të dezertonin janë ekzekutuar brenda bazës ushtarake në afërsi të qytetit të Idlibit nga forcat besnike të presidentit Bashar al Assad.

Sipas televizioni arab Al Arabiya dhe atij amerikan, CNN trupat e 47 ushtarakëve të ekzekutuar janë hedhur në një liqen për të zhdukur gjurmët e krimit të rëndë. CNN thotë se brenda grupit është infiltruar një agjent i cili ka dërguar më pas eprorëve të tij listën me 47 personat që po mendonin dezertimin.

Lajmi njoftohet edhe nga komiteti i koordinimit, organizëm i ngritur nga opozita siriane. Sipas këtij komiteti viktimat janë më shumë se 47 dhe se të njëjtat ekzekutime janë shtrirë edhe në baza të tjera ushtarake në të gjithë vendin.

Kina: Ndalni dhunën, nisni dialogun

Në një kohë kur dhuna kundër civilëve ka arritur kulmin, aq sa shumë ndërkombëtarë e cilësojnë si krime kundër njerëzimit, Kina u ka bërë edhe njëherë tjetër thirrje dy palëve në Siri të braktisin luftën e të nisin dialogun.

“Qeveria siriane dhe të gjitha palët e interesuara, duhet të ndalojnë menjëherë aktet e dhunës dhe të ulen në një tryezë dialogu me ndërmjetësimin e të dërguarit special të Organizatës së Kombeve të Bashkuara dhe Ligës Arabe, Kofi Annan”, thuhet në deklaratën e diplomacisë kineze.

/ Top Channel
Siria
Siri, mbi 3 milionë të zhvendosur nga lufta
UNHCR: Kriza më e rëndë e epokës sonë
Shkatërrohen armët kimike siriane
Procesi ka përfunduar me sukses të plotë, ka njoftuar Pentagoni




Login per te komentuar

TE REKOMANDUARA PER JU

SHBA, pezullohen xhirimet e filmave për të rritur SHBA, pezullohen xhirimet e filmave për të rritur
Organizata që përfaqëson industrinë e kinemasë pornografike në Shtetet e Bashkuara të Amerikës, Free Speech Coalition (FSC), ka lajmëruar ditën e premte se xhirimet e filmave për të rritur janë pezulluar pa afat pas konstatimit të virusit HIV tek një aktor.

Benzema mburret me makinën e tij Bugatti
Benzema mburret me makinën e tij Bugatti
Karim Benzema mbërriti në seancën stërvitore të Realit të Madridit të ditës së mërkurë me një xhevahir automobilistik që kushton plot 2 milionë euro.

Gruaja identike me Chavezin Gruaja identike me Chavezin (FOTO)
Fotografia e një gruaje që ngjan shumë me liderin e ndjerë venezuelian Hugo Chavez po bën xhiron e botës nëpërmjet rrjeteve sociale, sipas gazetës ‘El Nuevo Herald’.

Nëna kineze lind djalin me peshë rekord
Nëna kineze lind djalin me peshë rekord
Një nënë në Kinë ka lindur djalin me një pesha gati dyfishin e një fëmije normal, plotë 6 kilogramë e 300 gramë.

“Punëtor” në fermën e Sting-ut “Punëtor” në fermën e Sting-ut
Dëshiron të mbledhësh ullinjtë e Sting-ut në Toskanë? Paguan ti 262 euro në ditë. Përse do ta bëje një gjë të tillë? Përgjigja është e thjeshtë: për arsye terapeutike.

Si do te jete iPhone 6-ta? Si do te jete iPhone 6-ta?
Në ftesat e shpërndara nga Apple, thuhej vetëm “do të donim t’ju jepnim më tepër informacion...”,  kaq mjaftoi për të ngacmuar imagjinatën e publikut: si do të jetë produkti më i ri i firmës së njohur që prezantohet për herë të parë në Cupertino të Kalifornisë në 9 shtator.


VLERËSO KËTË LAJM
LAJME TE NGJASHME




SONDAZH

A duhet te vazhdoje bojkoti i opozites ne Parlament?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 139 139.6
USD 105.7 106.4
GBP 175 175.5
CHF 115 115.5
TREGJE DHE BURSA
0.00
0.00
0.00%
NASDAQ 4580.271
+22.577
+0.50%
S&P 500 2003.37
+6.63
+0.33%
FTSE 100 6825.31
+5.56
+0.08%
FTSE MIB 20345.850
-104.641
-0.51%
CAC 40 4379.73
-1.31
-0.03%
DAX 9479.03
+8.86
+0.09%
HANG SENG 24752.09
+10.029
+0.04%
Nikkei 225 15476.6
+52.01
+0.34%
S&P/ASX 100 4675.200
+3.400
+0.07%




Top Channel 2001-2014
Ndalohet riprodhimi i paautorizuar i permbajtjes se kesaj faqeje.