Ndryshimet në Kodin Penal
27/02/2012
Komisionit të ligjeve nuk i kanë mjaftuar edhe tre orë të tjera diskutime për të mbyllur ndryshimet në Kodin Penal.

Megjithatë, një hap i madh është bërë përpara me miratimin e rreth 15 amendamenteve, që fokusohen kryesisht te rreptësimi i dënimeve për dhunën në familje.

Këto ndryshime, shumica e të cilave ishin amendamente të deputetes socialiste Vasilika Hysi, marrin në mbrojtje penale edhe fëmijët dhe ashpërsojnë gjithashtu dënimet për prindërit apo të afërmit që u shkaktojnë fëmijëve qoftë edhe dhunë psikologjike.

Gjithashtu, është saktësuar edhe krimi i shfrytëzimit të fëmijëve për përfitime ekonomike, përfshirë këtu lypjen.

“Sigurisht që me këtë rast zonja Hysi ka korrur atë që mbolli, pasi i miratuam të gjitha propozimet”, deklaroi gjatë mbledhjes kryetari i komisionit Ilir Rusmali.

“I mbollëm bashkë dhe i korrëm bashkë”, tha pas tij Hysi. “Gjithësesi është një sukses personal”, thë sërish Rusmali.

Me konsensus deputetët kanë rënë dakord të mos heqin nga Kodi Penal prostitucionin, siç propozoi komisionerja kundër diskriminit, por tek neni përkatës u shtua që, perveç ushtrimit të prostitucionit të dënohet penalisht edhe klienti përfitues, pasi ekziston rreziku i përfitimit nga shfrytëzimi seksual i të miturve.

Gjithashtu, në Kod Penal u vendos një nen i ri, që dënon penalisht personat që përndjekin nëpërmjet mjeteve elektronike qytetarët e tjerë, duke i kanosur apo kërcënuar sigurinë e tyre personale apo familjare.

Ndryshimet në Kodin Penal do të mbyllen të martën, në rastin më të mirë, pasi të diskutohen edhe 13 amendamentet e dorëzuara në komisionin e ligjeve nga opozita.

Në një nga këto propozime, Partia Socialiste ka për qëllim të përfshijë në kod një nen të ri për përgjegjësinë penale të Këshillit të Ministrave, që sipas ligjvënësve opozitarë është lënë deri tani jashtë me justifikimin se vendimet e Këshillit të Ministrave janë akte kolegjiale.

“Ne kërkojmë që me këtë propozim penaliteti të ushtrohet ndaj personave që janë nismëtarë të vendimit të Këshillit të Ministrave”, deklaroi deputetja Ermonela Felaj.

Deri të martën grupi i punës, ku përfshihet edhe qeveria, do të punojë për të gjetur kompromisin edhe për këto amendamente të opozitës dhe nëse gjithçka shkon mirë, atëherë e marta do të shënojë miratimin përfundimtar me konsensus edhe të Kodit Penal. / Top Channel
Reformat
“Reforma e universiteteve e rëndësishme”
Arvizu: Gjendja e mjerueshme, nisma fillim i mbarë”
Grupi PS, debate për policinë
Marto rezerva për reformen, Cuko e Stërkaj për Gardën e gradat








Login per te komentuar

TE REKOMANDUARA PER JU

Ledia Sulaj: Prima balerina, vizitë në “Shkollën e Baletit”
Ledia Sulaj: Prima balerina, vizitë në “Shkollën e Baletit”
Ka vetëm 7 vjet që ka përfunduar Shkollën e Baletit, por i duket sikur ka dekada që është larguar prej aty.

“Shkolla e Baletit”, historia që vallëzon në skenat e botës
“Shkolla e Baletit”, historia që vallëzon në skenat e botës
Formon nga 15-20 balerinë profesionistë çdo vit! Në Shkollën e Mesme Kombëtare të Koreografisë, aktualisht mësojnë 221 nxënës nga klasa e katërt deri në të dymbëdhjetën dhe ushtrohen çdo ditë në balet klasik, modern, repertor skenik, danc historik, duet klasik e valle popullore.

Franca, gati për sulme ajrore në Irak
Franca, gati për sulme ajrore në Irak
Presidenti francez, Francois Hollande, ka bërë të ditur se ka rënë dakord ndaj kërkesës së qeverisë irakiane për më shumë mbështetje ajrore, për forcat që po luftojnë ndaj grupit xhihadist të Shtetit Islamik.

SHBA, Hagel: Ushtria gati për të goditur në Siri
SHBA, Hagel: Ushtria gati për të goditur në Siri
Lidershipi më i lartë ushtark në SHBA ka miratuar planin për të sulmuar edhe shënjestrat e ISIS brenda Sirisë, gjë që Sekretari amerikan i Mbrojtjes, Chuck Hagel, e ka deklaruar përpara një paneli të Dhomës së Përfaqësuesve gjatë së enjtes.

Zbardhet vrasja e të moshuarave, një nga autorët, nipi i viktimave
Zbardhet vrasja e të moshuarave, një nga autorët, nipi i viktimave
Dy javë pas vrasjes makabre të dy grave të moshuara në qytetin e Durrësit, policia në bashkëpunim me prokurorinë e rrethit kanë mundur të zbardhin ngjarjen dhe kapin dy prej të dyshuarve, ndërsa është në kërkim një i tretë.

Vizita e Papës, itinerari, siguria…
Vizita e Papës, itinerari, siguria…
Vizita e Papës Françesk të dielën më 21 shtator në Tiranë do të zhvendosë vëmendjen e mbarë botës në vendin tonë. Kreu i Kishës Katolike zgjodhi Shqipërinë si vendin e parë për të vizituar në Europë, një zgjedhje e argumentuar prej Tij jo rastësore.


VLERËSO KËTË LAJM

KRYESORET




LAJME TE NGJASHME




SONDAZH

Si e vlerësoni cilësinë e infrastrukturës në sistemin shkollor parauniversitar?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 139.8 140.3
USD 108.3 108.8
GBP 178 178.5
CHF 115.5 116
TREGJE DHE BURSA
0.00
0.00
0.00%
NASDAQ 4593.426
+31.237
+0.68%
S&P 500 2011.36
+9.79
+0.49%
FTSE 100 6865.50
+46.21
+0.68%
FTSE MIB 21145.631
+16.910
+0.08%
CAC 40 4470.43
+5.73
+0.13%
DAX 9864.27
+66.14
+0.68%
HANG SENG 24306.16
+137.439
+0.57%
Nikkei 225 16321.17
+253.6
+1.58%
S&P/ASX 100 4512.000
+13.200
+0.29%




Top Channel 2001-2014
Ndalohet riprodhimi i paautorizuar i permbajtjes se kesaj faqeje.