Ligji për veteranët e luftës
05/08/2010 20:00
Ligji për veteranët e luftës
Me një kosto të lartë buxhetore, por që konsiderohet e matshme me sakrificën dhe flijimin e shumë familjeve kosovare gjatë luftës së fundit në Kosovë, qeveria miratoi projektligjin për vlerat e luftës. (UPDATE)

Ky projektligj rregullon statusin dhe u jep të drejta të veçanta, dëshmorëve, invalidëve, veteranëve, pjesëtarëve të UÇK-së, viktimave civile dhe familjarëve të tyre nga viti 1945 deri në shtator të vitit 1999.

E veçanta e këtij projektligji është se statusi “Dëshmor i kombit”  iu njihet edhe atyre veprimtarëve që kanë kontribuar për çështjen kombëtare, individualisht ose të organizuar në grup dhe që janë vrarë nga armiku, nga data 9 maj 1945 deri më 30 dhjetor 1991.

Që do të thotë se përfitues nga ky projektligj janë edhe familja e heroit Shaban Polluzha, vëllezërve Gërvalla, familja e dëshmorit Afrim Zhitia nga Podujeva etj.

“Ky ligj vlereson dëshmorët, invalidët, viktimat civile dhe të pagjeturit dhe veteranët. Ky ligj ka kosto të lartë buxhetore, por sakrifica është e madhe dhe unike në historinë e vendit”, është shprehur Thaçi.

Projektligji në fjalë njeh statusin e komandantit legjendar Adem Jasharin, ndërsa familjes së tij në Prekaz të Skenderajt, i siguron të drejta dhe benificione të përcaktuara nga ky ligj dhe me akte tjera që do t’i nxjerr qeveria.

Zyrtarët qeveritarë nuk përjashtojnë mundësinë që përfitues nga ligji për vlerat e luftës të jenë edhe qytetarët serbë të cilët janë dëmtuar gjatë luftës së fundit në Kosovë.

Por në Ministrinë e Punës dhe Mirëqenies Sociale akoma nuk ekziston një listë e serbëve të dëmtuar gjatë luftës.

Zyrtarë nga kjo ministri thanë se presin aplikacionet të cilat do të verifikohen dhe nëse përshtaten me kushtet e ligjit, ato do të përfitojnë sikurse kategoritë e tjera.

Kostoja buxhetore për implementimin e ligjit për vlerat e luftës është 31 milionë euro për vitin e parë.

Për t’i evituar parregullsitë e mundshme që mund të dalin në fazën implementuese qeveria pritet të hartojë një komision i cili do të përcaktojë numrin adekuat të të gjitha kategorive të luftës.
/ Top Channel







comments powered by Disqus

VLERËSO KËTË LAJM

KRYESORET




LAJME TE NGJASHME


SONDAZH

A mendoni se do t`i vihet fre fenomenit të vjedhjes së energjisë pas ultimatumit të qeverisë se autorët do të arrestohen?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 139 139.4
USD 109.5 110.2
GBP 176 176.5
CHF 115 115.5
TREGJE DHE BURSA
0.00
0.00
0.00%
NASDAQ 4316.075
+57.637
+1.35%
S&P 500 1904.01
+17.25
+0.91%
FTSE 100 6322.53
+55.46
+0.88%
FTSE MIB 18966.939
+426.840
+2.30%
CAC 40 4050.69
+59.45
+1.49%
DAX 8807.70
+89.94
+1.03%
HANG SENG 23088.58
+18.32
+0.08%
Nikkei 225 14804.28
-306.95
-2.03%
S&P/ASX 100 4432.800
+4.900
+0.11%




Top Channel 2001-2014
Ndalohet riprodhimi i paautorizuar i permbajtjes se kesaj faqeje.