Italia shkakton surprizën, “play off”-i kalon nga “Loro Boriçi”
06/10/2017
Italia shkakton surprizën, “play off”-i kalon nga “Loro Boriçi”
E premtja rezervoi një biletë kualifikuese vetëm për Spanjën në Botërorin e vitit të ardhshëm në Rusi, me kombëtaren iberike që mposhti 3-0 kuqezinjtë e Shqipërisë në Alicante, ndërsa Italia, kundërshtari më i afërt i spanjollëve shënuan edhe rezultatin surprizë të këtij raundi të kualifikueseve, duke barazuar 1-1 me Maqedoninë.

“Axurrët” e drejtuar nga trajneri Ventura parashikonin një 90-minutësh të lehtë përballë ballkanasve, por në Torino, golit të Giorgio Chiellinit iu përgjigj në fund Trajkovski. E pavarësisht minutave shtesë dhe përpjekjeve të italianëve për të ndryshuar rrjedhën e takimit, rezultati nuk ndryshoi.

Italia e Venturës do t’i duhet tashmë një pikë në “Loro Boriçi”, më 9 tetor përballë Shqipërisë, për të siguruar matematikisht pjesëmarrjen në “play off”, kjo sepse pavarësisht se vendin e dytë në grup nuk ia merr askush, nuk e ka garancinë matematikore për të qenë mes më të mirave të vendeve të dyta, kur dihet se njëra mes të dytave do të mbetet jashtë çdo ëndrre për Botëror.

/ Top Channel


LAJME TE NGJASHME

MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.