Fluturat migruese “ngatërrojnë” radarët në Denver
06/10/2017
Fluturat migruese “ngatërrojnë” radarët në Denver
Një spektakël shumëngjyrësh, mahnitës, i përcaktuar nga satelitët, mbi shtetin amerikan të Colorados, është identifikuar si një masë gjigante fluturash në emigrim.

Shkëncëtarët në Shërbimin Kombëtar të Motit në SHBA, fillimisht e ngatërruan pamjen portokalli të radarit me tufa zogjsh dhe kërkuan ndihmën e publikut për identifikimin e specieve.

Më vonë ata përcaktuan se, masa që shtrihej në plot 110 km, ishte një kaleidoskop fluturash shumëngjyrëshe.

Parashikuesit thonë se është e pazakontë që insektet fluturuese të pikasën nga radarët. Ndryshe ndodh me zogjtë migrues, me fluturimet e tyre nga veriu në jug, që gjithnjë gjurmohen nga radarët.

Por këtë radhë, drejtimi i udhëtimit dukej i pazakontë, e po ashtu edhe koha e tij. Ndaj, shkencëtarët vendosën të pyesnin në “Tëitter” dhe të kërkonin ndihmë për të përcaktuar speciet e zogjve. Por të gjitha përgjigjet që morën ishin të njëjta: flutura!

Këto të fundit dihet se ndjekin drejtimin e erës dhe mund të përshkojnë me qindra kilometra, çdo ditë.

/ Top Channel


LAJME TE NGJASHME

MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.