Para Shqipërisë, Pique “braktiset” edhe nga Sergio Ramos
06/10/2017
Para Shqipërisë, Pique “braktiset” edhe nga Sergio Ramos
Referendumi i Katalonjës dhe kërkesat për Pavarësi i ka nxehur gjakrat mes spanjollëve dhe katalanasve që shprehen pro referendumit, një prej të cilëve është edhe mbrojtësi spanjoll, Gerard Pique.

Qëndrimi i tij pro Pavarësisë nuk është pritur mirë nga tifozët të cilët e kanë fishkëllyer teksa ka dalë në stërvitje me kombëtare, kundër të cilëve doli kapiteni Sergio Ramos që u kërkoi të mos e bëni një gjë të tillë.

Por në deklaratën e fundit për mediat madrileni ka “harruar” të përsërisë apelin dhe kur u pyet se a mundet që të luajë me Kombëtaren një lojtarë që kërkon shkëputjen territoriale, Ramos u përgjigj: “Është një vendim që nuk më përket mua, ka persona të cilët kanë autoritetin për ta vendosur diçka të tillë. E sigurt është se jemi në një situatë të pakëndshme, qëndrimi im është se të gjithë mund të jetojnë në një vend të lirë dhe demokratik. Ka qenë një javë shumë e acaruar, u përzie politika me sportin, diçka që nuk duhet bërë”.

Por ndërsa Ramos thotë se politika e sporti nuk duhen përzierë, Pique e bëri diçka të tillë ditën e martën. Pavarësisht se qëndrimet e tyre i pozicionojnë në pole të kundërta, të dy shprehen se me njëri-tjetrin kanë një marrëdhënie të mirë.

/ Top Channel


LAJME TE NGJASHME

MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.