Katalunjë, më shumë se 700 kryebashkiakë thirren në gjykatë

14/09/2017

Katalunjë, më shumë se 700 kryebashkiakë thirren në gjykatë
Prokurori publik në Spanjë thirri për të marrë në pyetje më shumë se 700 kryetarë bashkish në Katalunjë, për mbështetjen që ata po i japin referendumit të jashtëligjshëm për pavarësi.

Jose Manuel Maza tha se, kushdo prej kryebashkiakëve që ka pranuar të ndihmojë për organizimin e referendumit të muajit të ardhshëm duhet arrestuar, nëse refuzon të paraqitet vullnetarisht në polici.

Më herët, prokurorët spanjollë urdhëruan sekuestrimin e fletëve të votimit dhe materialeve të tjera zgjedhore. Votimi i Katalunjës për t’u shkëputur nga Spanja konsiderohet i jashtëligjshëm dhe është ndaluar nga Gjykata Kushtetuese spanjolle.

Por qeveria lokale e Katalunjës, e cila kërkon pavarësinë, tha se referendumi i planifikuar për në datën 1 tetor do të kryhet. Nëse kjo ndodh, prokurorët mund të padisin kryebashkiakët apo zyrtarë të tjerë lokalë në Katalunjë për shpërdorim fondesh publike.

Në krahun tjetër, shoqata e komunave për pavarësinë u shkroi qindra zyrtarëve katalanas, për t’u thënë se nuk po bëjnë asgjë të keqe, pavarësisht se po sfidojnë Gjykatën Kushtetuese. Madje, si reagim ndaj vendimeve të Madridit zyrtar, autoritetet katalanase u kanë kërkuar kryebashkiakëve të kësaj krahine që të protestojnë të Barcelonë të shtunën.

/ Top Channel


LAJME TE NGJASHME

MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.