Komisionet parlamentare, PS mbledh të enjten kryesinë
13/09/2017
Komisionet parlamentare, PS mbledh të enjten kryesinë
PS do të mbledhë të enjten kryesinë dhe grupin parlamentar për të votuar dhe zyrtarizuar emrat që do të drejtojnë jetën parlamentare për 4 vitet e ardhshme dhe 5 komisionet e mazhorancës.

Pritet që kryeministri Rama të takohet sot me kreun e kuvendit Gramoz Ruçi dhe kreun e grupit Taulant Balla për të diskutuar propozimet për nënkryetarin e ri të Kuvendit dhe krerët e komisioneve parlamentare.

Ndërkohë, në Kryesinë e Kuvendit, kryetari Ruçi ka nisur konferencën e kryetarëve për të bërë ndarjen e komisioneve, nga të cilat 5 do t’i drejtojë mazhoranca dhe 3 opozita.

Dy partitë në opozitë i kanë gati propozimet e tyre. Petrit Vasili është emri i propozuar nga LSI për të drejtuar Komisionin e Shëndetësisë, ndërsa mësohet se kryetarja Kryemadhi do të jetë anëtare e Komisionit për Politikën e Jashtme.

PD i ka bërë publike propozimet e saj, Bardh Spahia tek shëndetësia, Albana Vokshi tek media dhe Genc Pollo për komisionin e integrimit. PD ka gati edhe përbërjen e komisioneve dhe nënkryetarëve të tyre.

Fill pas dorëzimit të propozimeve nga të treja partitë kryesore, kryetari Ruçi pritet të thërrasë edhe seancën e radhës në Parlament.

/ Top Channel


LAJME TE NGJASHME

MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.