Përplasen 3 automjete në Lezhë-Shkodër, 1 i vdekur, 6 të plagosur

16/07/2017

Një aksident i trefishtë dhe me pasoja të rënda ndodhi pasditen e së dielës në kryqëzimin e Blinishtit në aksin rrugor Lezhë-Shkodër.

Si pasojë e përplasjes së tre autoveturave, një person gjeti vdekjen ndërsa 6 të tjerë, midis të cilëve gra dhe fëmijë u plagosën.

Viktima është një shtetas kosovar, 39 vjeç, që udhëtonte në autoveturën tip “Volkswagen Polo” dhe që u përplas me mjetin tip “Audi” me targa të Shkodrës.

Në aksident u përshi edhe një mjet tjetër tip “Mercedez”. Të plagosurit u transportuan në spitalin e Lezhës, ndërsa një prej tyre që ishte në gjendje më të rëndë u transportua me helikopter për në spitalin e Traumës në Tiranë.

Grupi hetimor ka nisur hetimet për këtë aksident, ndërsa paraprakisht mësohet se shpejtësia tej normave të lejuara në këtë segment rrugor dhe mos respektimi i dhënies së përparësisë në lëvizje mund të jenë shkaktarë.

Ndërkohë, pasditen e së dielës është shënuar edhe një tjetër aksident me pasojë vdekjen e një të moshuari në aksin Gjirokastër-Kakavijë, pranë Dervicanit.

I moshuari është përplasur nga një automjet, i cili më pas është larguar nga vendngjarja. Policia e Gjirokastrës ka nisur hetimet për identifikimin dhe ndalimin e autorit të kësaj ngjarje.



/ Top Channel


LAJME TE NGJASHME

MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.