Velipojë, dy vëllezër të plagosur me armë zjarri
19/05/2017
Velipojë, dy vëllezër të plagosur me armë zjarri
Dy vëllezër janë plagosur me armë zjarri sot në mesditë në qendër të Velipojës. Të plagosur kanë mbetur Ervin Tahiri, 30 vjeç dhe Durim Tahiri 27 vjeç. Shkak i kësaj ngjarje dyshohet të jetë bërë një konflikt për motive të dobëta.

Policia bën të ditur se njëri nga autorët e ngjarjes Besnik Ndoji nga fshati Mali i Kolaj është arrestuar si dhe i është sekuestruar arma e krimit, një armë zjarri automatik.

Bashkëpunëtor në këtë plagosje sipas policisë është dhe një person tjetër, i cili është identifikuar dhe është shpallur në kërkim.

Ndërkohë të plagosurit që kanë marrë plagë serioze ndodhen në Spitalin Rajonal të Shkodrës ku po i nënshtrohen ndërhyrjes kirurgjikale. Ngjarja ku u qëllua me breshëri automatiku e ndodhur jo shumë larg shkollës në rrugën kryesore të fshatit ka krijuar panik e frikë të banorët e zonës.

/ Top Channel


LAJME TE NGJASHME

MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.