Kupa e Konfederatave
15/06/2013 20:35
Kupa e Konfederatave
Sot në mbrëmje do të startojë Kupa e Konfederatave që në këtë sezon do të zhvillohet në Brazil. Ky miniturne botëror përbëhet nga 8 skuadra, fitueset e 6 federatave të kontinenteve të tjera, skuadra që mban Kupën e Botës dhe skuadra e vendit organizator.

Në këtë sezon është bërë një përjashtim, pasi Italia është pjesëmarrëse e këtij aktiviteti si përfaqësuesja e kontinentit Europian, duke qenë se Spanja është e pranishme si mbajtësja e trofeut. Në këtë sezon skuadrat pjesëmarrëse janë Spanja, Italia, Brazili, Meksika, Uruguaji, Japonia, Nigeria dhe Tahiti.

Ndeshja që do të celë edhe ceremoninë e Kupës së Konfederatave do të jetë ajo mes Brazilit dhe Japonisë, e vlefshme për Grupin A. Në këtë grup, veç këtyre dy skuadrave janë edhe Italia me Meksikën. Grupi B përbëhet nga Nigeria, Spanja, Tahiti dhe Uruguaji.

Brazili i Skolarit në këtë ndeshje të parë vjen pas fitores 3-0 përballë Francës në ndeshjen miqësore, ndërkohë që e gjithë vëmendja do të jetë tek ylli i ri i Barcelonës, Nejmar.

Edhe pse në këto momente është në qendër të vëmendjes, trajneri i selecaos thekson se Nejmar duhet të përmirësohet dhe të mësojë të sillet si pjesë e skuadrës.

Sa i përket kundërshtarëve të Japonisë, ai i vlerëson duke i vënë në dukje elementët shumë të mirë që kanë në përbërje dhe që mund ta vënë në vështirësi.

Ndeshja e sotme mes Brazilit dhe Japonisë do të trasmetohet drejtpërdrejtë në paketën SuperSport të platformës DigitAlb. Ndërkohë, ditën e diel do të luhet ndeshja Itali-Meksikë në stadiumin “Markana”. / Top Channel


LAJME TE NGJASHME

comments powered by Disqus

në top channel »
MË TË LEXUARAT
KËMBIMI VALUTOR
  Blihet Shitet
EUR 139.4 140
USD 123.4 124
GBP 190 190.7
CHF 128 128.7
TREGJE DHE BURSA
N/A N/A
N/A
N/A
S&P 500 1988.87
+1.21
+0.06%
FTSE 100 6247.94
+55.91
+0.90%
NASDAQ 4828.32
+15.62
+0.32%
FTSE MIB 21993.74
-207.50
-0.93%
CAC 40 4675.13
+16.95
+0.36%
DAX 10298.53
-17.09
-0.17%
HANG SENG 21612.39
-226.15
-1.04%
Nikkei 225 19136.32
+561.88
+3.03%
S&P/ASX 100 4391.60
+23.80
+0.54%




Top Channel 2001-2015
Ndalohet riprodhimi i paautorizuar i permbajtjes se kesaj faqeje.